Variety нашри 2025-йилнинг энг яхши 10 та сериалини аниқлади. Бу йилги танлов жуда хилма-хил жанрлардаги лойиҳаларни ўз ичига олган. “Айрим сериаллар бизга мистика, фантастика, стресс ва ҳаётдан қочиш каби мавзуларни тақдим этса, бошқалар эса жамиятнинг ҳолати, инсоний муносабатлар ва ички қарама-қаршиликлар ҳақида чуқур фикр юритишга ундайди”, деб таъкидланган хабарда.
Биринчи ўрин Netflix’нинг “Ўтиш даври” минисериалига берилди. Бу лойиҳа 13 ёшли ўсмирнинг синфдошини ваҳшийларча ўлдиришда айблангани ҳақида ҳикоя қилади. Сериал тўрт эпизоддан иборат бўлиб, ҳар бир эпизод бир кадрда суратга олинган, бу эса томошабинларга воқеалар марказида бўлиш ҳиссини беради.
Иккинчи ўринни “Питт касалхонаси” сериали эгаллади. Ушбу тиббий драма HBО Мах платформасида намойиш этилди ва “Энг яхши драматик сериал” номинациясини 2025-йилги Олтин глобус мукофотидан номзод бўлди. Сериалда замонавий тиббиётнинг мураккаб ҳолатлари, шифокорлар ва беморлар ўртасидаги интеракциялар тасвирланади.
Учинчи ўринга болаликдаги дўстларининг биринчи муҳаббати ва ўсиш жараёнидаги ҳиссий қарама-қаршиликларини ёритган “Бир умр сен билан” сериали қўйилди. Бу лойиҳа Netflix платформасида намойиш этилди ва катта қизиқиш уйғотди.
Энг яхши сериаллар тўлиқ рейтинги:
1.“Ўтиш даври” (Netflix)
2.“Питт касалхонаси” (HBО Мах)
3.“Бир умр сен билан” (Netflix)
4.“Жаннат” (Hulu)
5.“У: Деррига хуш келибсиз” (HBО)
6.“Чет эллик: Менинг қонимдан қон” (Starz)
7.“Мингта зарба” (Hulu)
8.“Зулматда” (Netflix)
9.“Олтин аср” (HBО)
10.“Мердо: Оилавий ўлим” (Hulu)
“Zamin”ни Telegram'да ўқинг!
Меҳмон гуруҳидаги фойдаланувчилар ушбу мақолага изоҳ қолдира олмайди.
