Таниқли санъаткор Жамшид Бобожонов журналист саволларига самимий ва ҳазиломуз тарзда жавоб берди. Ундан болалигида қорбобога хат ёзиб, нима сўрагани ҳақида сўралганда, у кулиб шундай деди:
— Бир тоғора оливие салат сўраганман. Энг қизиғи, ўша тилагим амалга ошган — бир тоғора оливиени олганман. Шу сабабли ҳозиргача ҳар Янги йилда хонадонимизда албатта бир тоғора оливие бўлади.
Бу жавобдан Жамшид Бобожонов оливие салатни жуда яхши кўриши яққол сезилиб турибди.
Суҳбат давомида журналист ундан: «Янги йил деганда кўз олдингизга биринчи бўлиб нима келади?» — деб сўради. Санъаткор эса жавобини янада маъноли фикрлар билан давом эттирди:
— Биринчи бўлиб дийдор келади. Янги йил — яқинлар, жигарлар билан дийдорлашиладиган байрам. Шунинг учун барчага битта тилак: ким билан дийдорлашмаган бўлсангиз, 2026 йилда албатта учрашиб қўйинг. Мен бир нарсани англадим — бу дунёда дийдор ҳам, яқинлар ҳам ғанимат.
Жамшид Бобожоновнинг ушбу сўзлари Янги йил байрамининг энг муҳим қадрияти — самимий учрашув ва меҳр-оқибат эканини яна бир бор эслатади.
“Zamin”ни Telegram'да ўқинг!
Меҳмон гуруҳидаги фойдаланувчилар ушбу мақолага изоҳ қолдира олмайди.
