Том ва Жерри 86 ёшда!
Бугун, 10 февраль куни дунё бўйлаб миллионлаб мухлисларнинг болалик хотиралари билан боғлиқ бўлган Том ва Жерри 86 ёшга тўлди. Қачондир телевизор олдида ўтириб, бу икки “абадий рақиб”нинг навбатдаги қувноқ қувғини кўриб кулиб юборган дақиқаларимиз ҳали-ҳали ҳам ёддан чиқмайди.
Эслатиб ўтамиз, 1940 йил 10 февралда Том ва Жерри мультфильмининг биринчи қисми намойиш этилган. Ана шу сана билан бирга, шунчаки бир мультфильм эмас, балки бутун бир авлоднинг кайфияти, ҳазили, болалик руҳи ҳам бошланган десак, муболаға бўлмайди.
Томнинг “режалари” ва Жеррининг чаққонлиги, кутилмаган вазиятлар, шовқинли қувғинлар — ҳаммаси оддий, лекин жуда таъсирли услубда қалбимизга ўрнашиб қолган. Энг қизиғи, бу ҳикояларда гап кам, аммо эмоция жуда кўп — шунинг учун ҳам у ҳар хил тилдаги мухлисларга бирдек тушунарли бўлиб келган.
Изоҳлар 0
…