Туркиянинг машҳур “Севги изтироби” сериали орқали қалблардан чуқур жой олган қаҳрамонлар орасида энг кичик образлардан бири ҳам томошабинлар хотирасида сақланиб қолган. Орадан йиллар ўтган бўлса-да, сериал саҳналари, таъсирли лаҳзалар ва қаҳрамонлар иштирокидаги парчалар ҳали ҳам ижтимоий тармоқларда қайта-қайта тарқалмоқда.
Айниқса, шундай видеолардан бирида Эмир образини маҳорат билан гавдалантирган Каан Урганжиўғлининг қўлида кичик Денизни кўриш мумкин. Бу кадр кўплаб мухлисларда илиқ хотираларни уйғотди. Чунки сериални кузатган аудитория учун Дениз шунчаки чақалоқ эмас, балки воқеалар занжирида муҳим ўрин тутган, меҳр уйғотувчи кичик қаҳрамон эди.
Энг қизиғи, ортидан намойиш этилган янги тасвирларда ўша чақалоқ Денизнинг анча улғайгани, чеҳраси ҳам бутунлай ўзгариб кетганини кўриш мумкин. Бир вақтлар сериал мухлисларини меҳрини қозонган қизалоқ бугун энди каттароқ ёшга қадам қўйган.
Экранда Дениз сифатида кўринган қизалоқнинг ҳақиқий исми Арвен Берен Кушатман бўлади. У яқинда 10 ёшни қарши олди. Маълумотларга кўра, Арвен 2016 йил 19 май куни Истанбул шаҳрида дунёга келган.
Ҳозирги вақтда у болалар фотомодели сифатида фаолият юритмоқда. Арвен турли реклама лойиҳалари ва журналлар учун суратга тушиб, кичик ёшиданоқ омма эътиборини тортмоқда. Ижтимоий тармоқларда ҳам у катта қизиқиш уйғотган. Хусусан, Instagram саҳифасини бир миллиондан зиёд фойдаланувчи кузатиб бораётgani бу қизалоққа бўлган қизиқиш қанчалик юқори эканини кўрсатади.
“Севги изтироби” сериали 2015—2017 йиллар оралиғида тасвирга олинган бўлиб, унда Бурак Ўзчивит, Неслиҳан Атагул, Каан Урганжиўғли каби машҳур актёр ва актрисалар иштирок этган. Мазкур лойиҳа нафақат Туркияда, балки бошқа давлатларда ҳам улкан аудитория меҳрини қозонган эди.
“Zamin”ни Telegram'да ўқинг!
