Паризоданинг қизи Саъдия янги рақси билан барчани мафтун этди (видео)

20 июль куни 11 ёшини Вьетнамда қарши олган раққоса Паризоданинг иккинчи қизи Саъдия ижтимоий тармоқдаги саҳифасига навбатдаги видеосини жойлади. Унда Вьетнам соҳилида Саъдиянинг қувноқ кайфиятда рақс ижро этаётгани акс этган.

Видео остига у "Танцуй, смейся, живи" ("Рақсга туш, кул, яша") мазмунидаги илҳомлантирувчи жумлани ёзиб қолдирган. Кўпчилик кузатувчилар Саъдиянинг самимийлиги, энергияси ва рақсдаги эркин ҳаракатларини алоҳида эътироф этишмоқда.

Аввалроқ қизини туғилган куни билан табриклаган Паризода Саъдия исми бежиз танланмаганини айтганди. Раққосанинг сўзларига кўра, қизи оилага қувонч, кулги ва кўтаринки кайфият олиб кирсин, деган эзгу ният билан унга айнан шу исм берилган. Ҳақиқатан ҳам, Саъдиянинг шўх, қувноқ ва хушчақчақ феъл-атвори мухлислар томонидан опаси Эъзозага нисбатан тез-тез тилга олинмоқда.

Янги видео ҳам ижтимоий тармоқларда илиқ кутиб олинди. Изоҳларда кўплаб фойдаланувчилар Саъдиянинг рақс маҳоратини юқори баҳолаб, унинг истеъдоди ва эркин ҳаракатларига қойил қолганини ёзишмоқда.