14:35 / 21.08.2017
9 762

Муниса Ризаева “миллиончилар” сафига қўшилди

Муниса Ризаева “миллиончилар” сафига қўшилди
Ўзбек шоу-бизнеси оламига ноанъанвий йўналишдаги қўшиқлари билан кириб келган хонанда Муниса Ризаева ижтимоий тармоқларда ҳам энг фаол ижодкорлардан ҳисобланади. Ижодидаги янгиликлар билан бирга, шахсий ҳаётига оид маълумотларни ҳам яширмайдиган Муниса яна бир “довон”дан ошди.

Гап шундаки, шу вақтгача Instagram саҳифасига 3955 та фотосурат жойлаган Муниса Ризаеванинг кузатувчилари сони роппа-роса 1 миллион кишига етди. Шу муносабат билан у мухлисларига инглиз тилида ўзига нисбатан ишонч ва муҳаббат учун миннатдорчилик билдирди.

Дарвоқе, хонанда шу йилнинг октябрь ойида “Истиқлол” санъат саройида уч кунлик концерт дастурини тақдим этишни режалаштирган. У сўнгги бор 2015 йилда ўз мухлислари билан саҳна орқали юзма-юз кўришганди.

Аввалроқ, актрисалар Асал Шодиева ва Зарина Низомиддинова, ҳамда хонанда Райҳон ҳам 1 миллионлик “довон”дан ўтганликлари ҳақида хабар берган эдик. Бу борада кўплаб мухлисларга эга бўлган Шаҳзода эса биринчилардан бўлиб, яъни 2016 йилнинг охирида инстаграм орқали миллион мухлисга эга бўлганди.


Манба: Qalampir.uz

arenda kvartira tashkent


Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Янгиликлар » Маданият » Муниса Ризаева “миллиончилар” сафига қўшилди