Жонни Депп ва Том Круз “Олтин малина” мукофоти номзодларига айланишди

  • 23-01-2018, 15:30
  • 963
  • Маданият
  • Жонни Депп ва Том Круз “Олтин малина” мукофоти номзодларига айланишди
    Голливуднинг таниқли актёрлари бўлмиш Том Круз, Жонни Депп ва Марк Уолберглар “Олтин малина” мукофоти номзодларига айланишди. Бу ҳақида тақдирлаш маросими ташкилотчилари “инсон саломатлиги ва атроф-муҳит учун хатарли элементларни йўқ қилиш" мавзусидаги видеоролик орқали ҳазиломуз тарзда маълум қилишган.

    “Энг ёмон актёрлик ижроси” йўналишидаги номзодлар орасида Том Круз, Жейми Жордан, Жонни Депп, Зак Эфрон ва Марк Уолберглар номини кўриш мумкин.

    Актрисалар орасида эса энг ёмон ижрочи дея баҳоланаётган ижодкорлар – Дакота Жонсон, Кэтрин Хайгл ва Женнифер Лоуренслардир.

    Хабарда айтилишича, йилнинг энг ёмон фильми номига “Эмоджи фильм”, “Мумиё”, “Трансформерлар: Сўнгги рицар”, “Малибу ҳалоскорлари” фильмлари даъвогарлик қилмоқда.

    Эслатиб ўтамиз, “Олтин малина” мукофоти йилнинг энг ёмон киноижодкорлари ва ижод намуналарини аниқлайди, тақдирлаш маросими эса “Оскар” тақдимоти арафасида бўлиб ўтади. “Ғолиб”ларга олтинранг бўёқ билан қопланган малина шаклидаги пластик “мукофот” топширилади. Унинг баҳоси эса ижодкорлар эришган номга яраша 5 доллардир.

    » » Жонни Депп ва Том Круз “Олтин малина” мукофоти номзодларига айланишди