Ёдгор Саъдиев: «Қизларимиз эрсираб қолдими?..» (видео)

Юртимизда тўй маросимларини ихчамлаштириш борасида қатор чора-тадбирлар амалга оширилмоқда. Шу жумладан, бу борада қабул қилиниши кутилаётган сенат қарорида тўйларни ташкил қилишнинг қатъий меъёрий кўрсатгичлари белгилаб берилиши кутилмоқда.

Давлатимиз раҳбари мазкур мавзуга шахсан эътибор қаратиб, тўйлардаги дабдабабозликни қаттиқ танқид қилган эди.

“Бош вазирдан бошлаб ҳокимгача, ижро органи раҳбарига тўй-маросимга бориши ман этилади. Чойхоналарнинг ёнида давлат машинаси турганини кўрган куним ишдан олиб ташлайман, жиноий жавобгарликка тортаман. Тўй энг кўпи 150 кишига, ош 200 кишига бўлади. Бирорта раҳбар уйида туғилган кунини ҳам, тўйини ҳам мендан бошлаб нишонламайди.

Президент қарор эмас, сенатнинг қарори чиқади. Қани бирортанг ғинг деб кўр. У тўйга бориш энди ман этилади. Мен ўзим юрагимдан билган ҳолда шуни айтяпман. У ҳаммаси хиёнат бизнинг халқимизга, иккинчидан, тўй қилишнинг меъёрини ҳам ёзиб берамиз.

Тошкентда тўртта қизи бор одам ўзини осиши керак, тўй қилиш учун. Оддий одам, оилали, бюджетдан ойлик оладиган одам ўзини осиши керак. Тўртта қизини эрга бериш учун ўзини осса тўғри бўлади. Нимага?! Ҳеч қандай имконияти йўқ, барибир бечора қарз олади, ўзига қарамайди, дўхтирга бормайди, фақат шу тўйга йиғади. Кимга керак бу тўй? Бўлди, биз олдин ташвиқот қилиб кўрдик, бўлмади бу ташвиқот. Хиёнат қиляпмиз халқимизга, тўйларни агар жойига қўйсак, коррупция бўлмайди, адолат пайдо бўлади. Ҳамма бир хил тўй қилади. ”, – деган президент.

Юртимиздаги тўй маросимларидан ўрин олаётган янги одатлар тўғрисида актёр Ёдгор Саъдиев ҳам ўз фикрларини билдирди.
[media=https://youtu.be/wYs6nohjhuQ] “Замин” янгиликларини “Одноклассники”да кузатиб боринг