Фото: «ferpravda.uz»
Қўқон шаҳрида 10-15 сентябрь кунлари бўлиб ўтадиган Халқаро ҳунармандчилик фестивалига тайёргарлик жараёнларига бағишланган матбуот анжумани бўлиб ўтди.
Тайёргарлик жараёнининг бориши ҳақида Қўқон шаҳар ҳокими М.Усмонов, фестиваль матбуот маркази раҳбари С.Шукуров ва бошқалар маълумот берди.
Қайд этилишича, мазкур нуфузли тадбирга қизғин тайёргарлик асносида Ўзбекистон Республикаси ахборот технологиялари ва коммуникацияларини ривожлантириш вазирлиги кўмагида фестивалнинг веб-сайти (https://handicrafters.uz) ўзбек, рус, инглиз тилларида яратилди.
Веб-сайтга фестиваль, миллий ҳунармандчилик, ҳунармандлар, улар томонидан ишлаб чиқарилаётган маҳсулотлар ҳақидаги маълумотлар жойлаштирилган. Фестивалда иштирок этишни хоҳлаган хорижлик ва маҳаллий ҳунармандлар ушбу сайт орқали онлайн тарзда ариза бериши ва рўйхатдан ўтиши мумкин. Бу ҳақда Ташқи ишлар вазирлиги орқали Ўзбекистоннинг чет элдаги элчихоналарига маълумот берилган.
Жорий йилнинг 30 июнь куни веб-сайт орқали рўйхатдан ўтиш жараёни якунланди. Веб-сайт орқали 74 давлатдан 480 киши рўйхатдан ўтди. Саралаш комиссияси томонидан 72 давлатдан ҳунармандчиликнинг 29 йўналиши бўйича 205 хорижий ҳунарманд саралаб олинди. Шунингдек, фахрий меҳмон сифатида таклиф этилиши режалаштирилган 36 юқори мартабали хорижлик давлат арбоблари, қўмита раислари, вазир ўринбосарлари ва олимлар рўйхати шакллантирилган. Барча хорижий меҳмон ва иштирокчиларга расмий таклифномалар жўнатилди.
«Ҳунармандчилик ва халқ амалий санъатини ривожлантириш истиқболлари» мавзуидаги илмий-амалий конференцияда 23 давлатдан 32 хорижий ва маҳаллий олим иштирок этиши белгиланди. Конференциянинг икки кунлик дастури ва концепцияси ишлаб чиқилди.
Фестивалда иштирок этиш учун 11 хорижий оммавий ахборот воситаси вакили рўйхатдан ўтди.
Иштирокчилар учун янгидан қурилаётган меҳмонхоналарнинг 3 тасида қурилиш ишлари якунланди, 5 тасида давом этмоқда, қўшимча равишда 30 уй-меҳмонхонаси ташкил этиш борасида тегишли ишлар олиб борилмоқда.
Фестивалда иштирок этиш учун республикамизнинг 153 туманидан ҳунармандчиликнинг 34 йўналиши бўйича 1116 ҳунарманд ва 87 ташкилотчи рўйхати шакллантирилди. Маҳаллий иштирокчилар учун Қўқон давлат педагогика институти ва 3 касб-ҳунар коллежи ётоқхоналарини тайёрлаш ишлари олиб борилмоқда. Хорижий иштирокчилар учун овқатланиш жойлари, меҳмонхоналар тайёрланмоқда.
Фарғона вилояти ҳокимлиги ва тегишли ташкилотлар масъуллари иштирокида Тошкент, Наманган, Фарғона вилоятлари аэропортлари ва темир йўл вокзалларида доимий навбатчилик ташкил қилинган. Вилоят ҳокимлиги томонидан меҳмонларни кутиб олиш, жойлаштириш ва кузатиш бўйича ишчи гуруҳлар шакллантирилган. «Замин» янгиликларини «Вконтакти»да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Америкалик олимлар барча учун бирдек фойдали жисмоний фаоллик турини аниқлади
Россия дунёдаги биринчи водород ёқилғили автомобилни тақдим этди
Сариқми ёки яшил: қайси турдаги банан фойдалироқ?
Германияда мактаб ўқувчилари оммавий равишда ислом динини қабул қилмоқда
Crocus терактида айбланаётган тожикистонлик Далержон Мирзоевнинг ота-онаси ўғли ҳақида гапирди
Эрон президенти жиддий баёнот берди: «Исроилдан ҳеч нарса қолмайди»
Қайси кундалик одатлар иммунитет пасайишига олиб келишини биласизми?
Владимир Путин «Крокус»да содир этилган теракт учун ўч олишга чақирди
