Моуриньо: "Ҳакамларнинг хатоларидан чарчадик"

"Рома" бош мураббийи Жозе Моуриньо Италия чемпионати ҳакамларини яна бир бор танқид қилди. Португалиялик мутахассиснинг айтишича, унинг жамоаси "Рома" иштирокидаги ўйинлардан сўнг ҳакамларнинг четлатилишидан аллақачон чарчаган.

“Биз ҳакамлик хатоларидан аллақачон толиққанмиз. Ҳар сафар “Рома” ўйинидан сўнг ҳакамлар четлатилишидан чарчадик. Дисквалификация орқали улар хатоларини тушуниб олар, аммо бизга йўқотилган очколарни қандай қайтариши мумкин?", - деди Моуриньо матбуот анжуманида.

Эслатиб ўтамиз, яқинда "Фиорентина" - "Рома" учрашувининг бош ҳаками Рим клуби дарвозасига нотўғри белгиланган пенальти туфайли бир неча ўйинга дисквалификация қилинганди. «Замин»ни Telegram’да ўқинг!