Ўзбекистон мезбонлик қиладиган U-20 Осиё Кубоги саралаш босқичига қуръа ташланди

2023 йилда Ўзбекистонда бўлиб ўтадиган 20 ёшгача бўлган футболчилар ўртасидаги Осиё Кубогининг саралаш босқичига қуръа ташланди.

Ўзбекистон U-20 терма жамоси А гуруҳидан жой олди. Ўзбекистон гуруҳда Саудия Арабистони, Хитой, Мьянма ва Мальдив ороллари ёшларига қарши ўйнайди.

Қайд этиб ўтиш жоиз, Ўзбекистон мазкур мусобақага мезбонлик қилгани боис, саралаш босқичидаги учрашувлари ўртоқлик мақомида ўтказилади.

U-20 Осиё Кубоги саралаш ўйинлари 10—18 сентябрь кунлари Саудия Арабистонида бўлиб ўтиши режалаштирилган.

«Замин»ни Telegram’да ўқинг!