Бобир Абдиҳолиқов 3 та рекорд ўрнатди, 2тасини такрорлади

Якунланган мавсумни Беларусь Олий лигасида ўтказган Бобир Абдиҳолиқов 26 та гол билан чемпионат тўпурари бўлганидан хабарингиз бор.

Ушбу кўрсаткич орқали легионеримиз элитада 3 та рекорд қайд этди ва иккитасини такрорлади. Айни вақтда у қуйидаги натижалар бўйича тенгсиз бўлиб турибди:

• Меҳмонда урилган голлар — 16;
  
• Легионерлар орасида мавсумда энг кўп гол урган — 26;
  
• Легионерлар орасида гол+пас бўйича энг юқори балл — 32.

Шунингдек, Бобир мавсумдаги дубллар сони ва учрашувда жамоасига ғалаба келтирган голлар бўйича ўрнатилган рекордларни такрорлади. «Замин»ни Telegram’да ўқинг!