Гус Хиддинк Россия терма жамоасига қайтиши мумкин

Ҳолландиялик мутахассис Гус Хиддинк яна Россия терма жамоаси бош мураббийига айланиши мумкин. Бу ҳақда Ҳолландиянинг Voetbal International нашри хабар бермоқда, дейилади "Трибуна" нашрида. Манбада айтилишича, Россия футбол иттифоқи Хиддинк вариантини ўрганиб чиқмода.

Таъкидлаш жоиз, ҳолландиялик мураббий 2006-2010 йилларда Россия терма жамоасини бошқарган ва 2008 йилги Европа чемпионатида руслар ўз тарихида биринчи марта қитъа чемпионатининг бронза медалларини қўлга киритган.