Европанинг аксарият лигаларида мавсум якунланиб, мутахассислар ўйинлар натижалари, футболчилар иштирокини таҳлил қилишни бошлаб юборган.
Франция футболини ёртиб келаётган le11hdf.fr сайти Лига 1 дебютанти Абдуқодир Ҳусановнинг ўйинига баҳо берди.
Ўзбек футболчиси ўтган йили ёзда Беларусь олий лигаси иштирокчиси “Энергетик-БГУ”дан Франция вице-чемпиони “Ланс” сафига кўчиб ўтди. 100 минг еврога баҳоланган бу трансфер Беларусь футболи тарихида ҳақиқий сенсация бўлди.
19 ёшидаёқ Лига 1 мусобақасида дебют қилган Абдуқодир Франция чемпионатида майдонга тушган биринчи ўзбекистонлик ўйинчи сифатида ўзбек ва француз футболи тарихига ўз номини муҳрлади.
Легионеримизнинг мавсумдаги ўйинларини таҳлил қилган le11hdf.fr сайти қуйидаги маълумотларни тақдим этди:
Энг катта камчилиги:
“Ланс”нинг етакчи марказий ҳимоячиси Кевин Дансога асосий ўринбосар сифатида Абдуқодир Ҳусановга айрим учрашувларда тажриба етишмагани яққол сезилиб қолди.
Европа Лигаси плей-оффида “Фрайбург”га бой берилган (2:3) жавоб ўйинида Кевин Дансо сафдан чиққани боис унинг ўрнини эгаллаган Ҳусановнинг энг катта камчилиги кўриниб қолди. Тошкентлик футболчи иккинчи қаватда муваффақиятли ўйнай олмади. Бунинг оқибатида учрашувда дублга эришган Рональд Шоллои Брис Самба дарвозаси олдида ўткир вазиятларга эга бўлди. Бу учрашувдан кейин Ҳусанов Дансонинг ўрнини тўлиқ ёпа олмаслиги билиниб қолди.
Ютуқлари:
“Ланс”га келганида барчага нотаниш бўлган ёш футболчига мухлислар эътирофи ва эътиборини қозониш учун кўп вақт керак бўлгани йўқ. Ҳусанов рақибга қарши шиддат билан ўйнаши, чарчоқ билмаслиги ва ўзига бўлган ишончи орқали мухлислар олқишига сазовор бўлди.
Ўзбек футболчиси ўз ўйинлари билан яхши танлов бўлганини исботлаган вазиятлар кўп бўлди. Абдуқодир Ҳусанов асосий ҳимоя учлиги Факундо Медина – Кевин Дансо – Жонатан Градитдан қай бири ўйинда иштирок эта олмаса, уларнинг ўрнига майдонга тушди.
Ҳусанов мавсум давомида бир неча ўйинларда истиқболи порлоқ ҳимоячи эканини намоён қилди ва юқори савияда ўйнади.
Абдуқодир Ҳусановнинг мавсумдаги статистикаси қуйидагича кўриниш олди:
1. Лига 1: 11 та учрашув, 4 та сариқ карточка
2. УЕФА Чемпионлар лигаси: 2 та учрашув, 1 та сариқ карточка
3. УЕФА Европа лигаси: 2 та учрашув.
Абдуқодир Ҳусановнинг “Ланс” билан шартномаси 2027 йилнинг 30 июнига қадар тузилган. Бугунги кунда 20 ёшли ҳимоячимизнинг трансфер суммаси 2 миллион еврони ташкил қилмоқда. “Замин” янгиликларини “Инстаграм”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
“Ҳизбуллоҳ” бир суткада Исроилга қарши 20 га яқин ҳарбий амалиёт ўтказди
Рамзан Қодиров Ғарб давлатларига ҳужум қилишга чақирди: “Ҳақиқий уруш қандайлигини ҳис қилишсин”
Мeтаболизм секинлашганининг белгилари
2026 йилда бўлажак мундиалнинг фаворитлари рейтинги тақдим этилди
Халқаро жиноят судининг ордери Исроилни нега қўрқитяпти?
Ҳар пайшанба жисмоний тарбия ва спорт куни сифатида белгиланади
Италия суди Қуддус Исроил пойтахти эмаслиги ҳақида қарор чиқарди
Қозоғистон Украина атрофидаги вазият туфайли ҳарбий ва фуқаролик объектлари хавфсизлигини кучайтирди
