“Байер” “Штутгарт”ни мағлуб этиб, Германия Суперкубогини қўлга киритди

Футбол бўйича Германия Суперкубоги доирасида “Байер” ва “Штутгарт” жамоалари 17 август, шанба куни ўзаро тўқнаш келди.

Учрашувнинг 11-дақиқасида Виктор Бонифасе ҳисобни очди. Орадан 4 дақиқа ўтиб, “Штутгарт” футболчиси Энсо Мийо ҳисобни тенглаштиришга муваффақ бўлди. 37-дақиқада “Байер” бир киши кам бўлиб қолди. Терье қизил карточка олиб, майдонни тарк этди. Бўлим дуранг натижа билан якунланди.

Иккинчи бўлимда эса, табиийки, бир киши кўп бўлган “Штутгарт” ҳужумларни уюштирди ва 63-дақиқада Ундавнинг голи эвазига ҳисобда олдинга чиқиб олди. Ўйин якунланишига бир неча дақиқа қолганда эса Патрик Шик мувозанатни тиклади.

Шу тариқа ғолиб номи пенальтилар сериясида аниқланадиган бўлди. Пенальтилар сериясида эса Хаби Алонсо шогирдлари 4:3 ҳисобида ғалаба қозонди ва Германия Суперкубогини қўлга киритди.

Германия Суперкубоги
17 август, шанба

“Байер” — “Штутгарт” 2:2
Голлар: 1:0 – 11 Бонифасе, 1:1 – 15 Мийо, 1:2 – 63 Ундав, 2:2 – 88 Шик.

Пенальтилар серияси: 4:3

“Байер”: Градески, Инкапиэ, Тапсоба, Андрих (Шик, 73), Терье, Адли (Вирц, 73), Белосян (Грималдо, 84), Жака, Алеиш Гарсия, Телла (Фримпонг, 73), Бонифасе (Та, 41).

“Штутгарт”: Нюбел, Миттельштедт (Крециг, 63), Шабо, Руо, Штенсел (Кайтел, 83), Штиллер (Ундав, 62), Каразор, Фьюрих (Дил, 77), Миё, Левелинг (Мвумпа, 63), Демирович.

Огоҳлантиришлар: Хаби Алонсо (43), Штиллер (44), Жака (60), Тапсоба (71), Демирович (71), Мийо (78), Бонифасе (80), Штенсел (82), Вирц (85), Фримпонг (86), Шабо (86).

Четлатиш: Терье (37). “Замин” янгиликларини “Youtube”да кузатиб боринг