Туриннинг "Ювентус" клуби Германия терма жамоаси ва "Штутгарт" ярим ҳимоячиси Анжело Стиллернинг трансфери устида иш бошлади. Билд нашри хабарига кўра, 25 ёшли плеймейкер туринликларнинг ёзги трансфер ойнасидаги асосий мақсадига айланган. Бу ҳақда Goal.com хабар беради.
Клуб раҳбарияти таркибни тубдан янгилаш жараёнида Стиллерни марказий фигурага айлантирмоқчи.
Туттомерcатоwеб маълумотларига кўра, "Ювентус" мутасаддилари футболчининг агенти билан учрашиб, трансфер бўйича дастлабки қадамларни ташлаган. Ҳозирча клублар ўртасида тўғридан-тўғри алоқа ўрнатилмаган бўлса-да, музокаралар норасмий тарзда давом этмоқда.
Стиллер ўтган мавсумда "Хоффенхайм"дан 5 млн евро эвазига сотиб олинган эди.
Футболчининг "Штутгарт" билан шартномаси 2028 йилгача амал қилади ва унда 36,5 млн евролик товон пули кўрсатилган. Бироқ немис клуби ушбу бандни 2 млн евро эвазига бекор қилиш ҳуқуқига эга.
Бу эса "Штутгарт"га трансфер нархини мустақил белгилаш имконини беради. Ҳозирда клуб ўз етакчисини камида 50 млн еврога баҳоламоқда.
Стиллерга ўтган йили Тони Кроосга ўринбосар сифатида "Реал Мадрид" ҳам қизиқиш билдирган эди. Шунингдек, Англиянинг "Челси" клуби ҳам вазиятни кузатиб бормоқда.
Агар трансфер амалга ошса, "Штутгарт" унинг ўрнига "Саутгемптон" аъзоси Каспар Яндерни олиб келишни режалаштирган.
“Zamin”ни Telegram'да ўқинг!
