Футзал. Жаҳон чемпионати. Ўзбекистон Нидерландия билан жанговар дуранг қайд этди

Ўзбекистон мезбонлик қилаётган футзал бўйича 2024 йилги жаҳон чемпионати 14 сентябрь, шанба куни старт олди.

А гуруҳидан жой олган Ўзбекисто терма жамоаси илк турда Нидерландияга қарши баҳс олиб борди.

Учрашувнинг 4-дақиқасида Тевфик Чеяр ҳисобни очди. 16-дақиқада Элбек Тўлқинов мувозанатни тиклади. Бўлим 1:1 ҳисоби билан якунланди.

Иккинчи бўлимда эса Нидерландия яна ҳисобда олдинга чиқиб олди. Бу сафарги гол муаллифи — Исмоил Оддуҳ. 36-дақиқада Ихтиёр Ропиев ҳисобни тенглаштирди. Бироқ орадан бир дақиқа ўтиб, Оддуҳ дублни расмийлаштириб, жамоасининг ҳисобда олдинга олиб чиқди. 39-дақиқада Ҳусниддин Нишонов мувозанатни тиклади.

Гуруҳнинг иккинчи ўйинида Парагвай Коста-Рикани 5:2 ҳисобида мағлуб этди.

Ўзбекистон 2-турда Парагвайга қарши баҳс олиб боради. Учрашув 17 сентябрь куни бўлиб ўтади.

Жаҳон Чемпионати
1-тур
14 сентябрь, шанба

Ўзбекистон — Нидерландия 3:3
Голлар: 0:1 — 4 Тевфик Чеяр, 1:1 — 16 Элбек Тўлқинов, 1:2 — 28 Исмоил Оддуҳ, 2:2 — 36 Ихтиёр Ропиев, 2:3 — 37 Исмоил Оддуҳ, 3:3 — 39 Ҳусниддин Нишонов.