Ўзбекистон – Эрон учрашувидан олдинги матбуот анжуманининг биринчи қисмида меҳмонлар бош мураббийи Амир Ғаленои иштирок этди. Мураббийга футболчи Сердар Азмун ҳамроҳлик қилди.
"Биринчи навбатда Ўзбекистон терма жамоаси бош мураббийи Сречко Катанецга саломатлик тилайман. Яна бир бор Ўзбекистонга ташриф буюрганимдан жуда мамнунман. Эртанги учрашув икки жамоа учун ҳам жуда қийин бўлиши аниқ. Ўзбекистон ҳам, биз ҳам дастлабки икки учрашувда юз фоизлик натижа қайд этдик. Эртанги учрашувдаги очколар жуда муҳим бўлади. Ўзбекистон жуда яхши шаклланган жамоа, аммо биз ҳам етарлича тайёргарлик кўрганмиз ва ҳозир яхши спорт ҳолатидамиз. Эртанги учрашувда барча имкониятларимиздан фойдаланишимиз керак, аввалги учрашувларда кўпгина имкониятларга эга бўлгандик, лекин уларни голга айлантира олмагандик. Ўзбекистон эса бунчалик кўп имкониятлар яратишга имконият бермаслиги аниқ. Эртанги учрашувда бор имкониятларимиздан фойдаланамиз", – деди Амир Ғаленои.
- 15 октябрь кунига мўлжалланган Қатарга қарши учаршувнинг қаерда ўтказилиши сиз учун энг қулай вариант бўлар эди?
- Ҳозир фақат Ўзбекистон ҳақида ўйламоқдамиз. Бу саволга кейинроқ тўхталиб ўтамиз. Шунингдек, Эрон дунёдаги энг яхши ва энг тинч мамлакатлардан бири эканлигини таъкидлаб ўтмоқчиман. Ўтган ҳафта биз ОЧЛ Элит ва ОЧЛ-2 мусобақаларининг бир нечта учрашувларини ўз мамлакатимизда ўтказдик. Кеча биз Теҳрондан Тошкентга етиб келдик ва ҳеч қандай муаммо бўлмади. Бу масала кўпроқ ОФК ва ФИФА томонидан ҳал этилиши мумкин.
- Ўзбекистон терма жамоаси сафида Элдор Шомуродовдек тезкор ҳужумчи бор. Эрон терма жамоаси ҳимоя чизиғида эса муаммолар етарлича. Ризоян Осиё Кубогидан кейин терма жамоага чақирилмаяпти. Бу йиғинга Кононий чақирилмади, ягона тажрибали ҳимоячи Шожа Ҳолилзода эса жуда секин. У Осиё Кубогидаги Қатарга қарши учрашувда қатарлик ҳужумчига ета олмагани сабабли қоида бузгани ва шу сабабли қизил карточка олганини барча кўрганди. Терма жамоага чақирилаётган ёш ҳимоячилар Ҳазбави ва Юсуфийга кўпроқ тажриба керак. Эрон ҳимоя чизиғи сизни ташвишга солмаяптими? Элдор Шомуродовдек тезкор футболчи жамоангизга қанчалик муаммо туғдириши мумкин?
- Албатта, Ўзбекистон терма жамоасининг ҳужум чизиғи анча кучли футболчилар билан тўла, бироқ Эрон терма жамоаси шу саралаш босқичида гол ўтказиб юбормаган ягона жамоа эканлигини унутманг. Биз дастлабки икки учрашувда ўз дарвозамиздан бирорта гол ўтказиб юбормадик. Июнь ойидаги ўзаро учрашувда ҳам дарвозамиз дахлсизлигини сақлаб қолгандик. Сречко Катанец ўша учрашувдан сўнг "Биз иккинчи бўлимда жуда яхши ўйин намойиш этдик", деб айтиб ўтганди. Ўзбекистонга қарши сўнгги учрашувдан олдин биз Гонконгга сафар қилгандик ва узоқ сафардан тикланиб олиш учун вақт талаб этилганди. Биз эртанги учрашувга тайёрмиз ва ўз уйимизга уч очко билан қайтишни ният қилганмиз.
Мен 50 йилдан бери футболдаман. Шунча йиллик тажрибамдан келиб чиқиб айта оламанки, биз ҳар доим энг яхши ўйинимизни ва мухлисларни хурсанд қилишга ҳаракат қилишимиз керак. Бундай ортиқча гапларга эътибор бермаймиз.
- Эрон CAFA Кубоги финалида Ўзбекистонни мағлуб этганди. Ўзбекистон терма жамоасини Тошкентда мағлуб этиш қандай бўлганди?
- Биз CAFA мусобақасидаги иштирокимиздан хурсандмиз. Ўзбекистон терма жамоасини ўз мухлислари олдида мағлуб эта олгандик. Ўша учрашувда ҳам биз дарвозамиз дахлсизлигини сақлаб қолгандик.
"Эртанги ўйин қанчалик қийин эканлигини биламиз. Уч очко жуда катта аҳамиятга эга ва биз Ўзбекистонга қарши қандай ўйнашни биламиз. Ўзимизнинг энг яхши ўйинимизни намойиш этишга ҳаракат қиламиз", – дея айтиб ўтди Сердар Азмун.
- Сердар Азмунга савол. Ўзбекистон ва Эрон ўртасидаги учрашувлар ҳар доим жуда томошабоп бўлиб келган. Эртанги ўйин олдидан ҳам Ўзбекистон футболчилари Эрон терма жамоаси ҳақида илиқ фикрлар билдиришди...
- Икки жамоа ўртасидаги суҳбатларни ёқтираман. Биз ҳар доим рақибни ҳурмат қиламиз. Бизнинг маданиятимиз шундай, лекин Ўзбекистон терма жамоаси сўнгги маротаба бизга жиддий муаммо туғдирганига 12 йил вақт бўлди. Биз эртага уч очкони қўлга киритишни мақсад қилганмиз.
Ўзбекистон, Эрон, Амир Ғаленои, Сердар Азмун, Футбол учрашуви “Замин” янгиликларини “Youtube”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Шавкат Мирзиёев: “Фаластинлик болалар ва аёлларни беғараз даволашга тайёрмиз”
НАТО собиқ қўмондони: “Путин Украинанинг тахминан 20 фоизини қўлга киритади”
АҚШ Исроилга пули тўланган бульдозерларни бермади
Рақобат қўмитаси биржада Аи-80 бензини бошланғич нархига чеклов ўрнатди
Трамп Путинга қўнғироқ қилиб, Украинадаги урушни муҳокама қилди
Трампнинг ўғли Зеленский яқин орада «нафақадан» маҳрум бўлишини ёзди
Иммунитетни кўтариш учун 6 та энг яхши витамин
Россия томонидан учирилган иккита дрон Молдова ҳудудига қулаб тушди
