Трансферларга ихтисослашган transfermarkt.world портали Франция чемпионати юқори дивизионида фаолият юритаётган футболчилардан 306 нафарининг трансфер нархларини янгилади.
Ўзбекистонлик футбол ишқибозлари эътиборини тортган ўзгаришлардан бири “Ланс”да ўйнаётган Абдуқодир Ҳусановнинг трансфер суммаси кескин кўтарилгани бўлди. 20 ёшли ҳимоячимизнинг трансфер нархи 5 миллион евродан 12 миллион еврога кўтарилди.
Бунгача ўзбекистонлик чарм тўп усталари орасида энг қимматбаҳо ўйинчилар ўртасида Элдор Шомуродов билан иккинчи ўринни бўлишиб турган Абдуқодир Ҳусанов энди биринчи поғонани яқин йиллар давомида ҳеч кимга бермаса керак.
Transfermarkt портали экспертлари айрим ўйинчиларнинг нархини янгилагани Марказий Осиёдаги энг қимматбаҳо футболчилар рейтингига ҳам таъсир ўтказди.
Қувонарлиси шундаки, минтақанинг энг қиммат футболчилари рейтингининг юқори поғоналари ўзбек чарм тўп усталари томонидан банд қилинди.
“Топ-10” қуйидагича кўриниш олди:
1. Абдуқодир Ҳусанов (Ўзбекистон), “Ланс” Франция – 12 миллион евро.
2. Аббосбек Файзуллаев (Ўзбекистон), ЦСКА Россия – 6 миллион евро.
3. Элдор Шомуродов (Ўзбекистон), “Рома” Италия – 5 миллион евро.
4 Бахтиёр Зайнутдинов (Қозоғистон), “Бешиктош” Туркия – 4 миллион евро.
5. Нурали Алип (Қозоғистон), “Зенит” Россия – 3 миллион евро.
6. Остон Ўрунов (Ўзбекистон), “Персеполис” Эрон, Отабек Шукуров (Ўзбекистон), “Аль-Фейҳа” Саудия Арабистони – 2,5 миллион евро.
7. Жалолиддин Машарипов (Ўзбекистон), “Истиқлол” Эрон – 1,7 миллион евро.
8. Абдувоҳид Неъматов (Ўзбекистон), “Насаф”; Ҳусниддин Алиқулов (Ўзбекистон), “Ризеспор” Туркия; Ҳожимат Эркинов (Ўзбекистон), “Ал-Ваҳда” Бирлашган Араб Амирликлари – 1,5 миллион евро.
9. Акмал Мозговой (Ўзбекистон), “Насаф” – 1,3 миллион евро.
10. Рустам Ятимов (Тожикистон), “Ростов” Россия; Одилжон Ҳамробеков (Ўзбекистон), “Навбаҳор”; Шерзод Насруллаев (Ўзбекистон), “Насаф”; Максим Самородов (Қозоғистон), “Ахмат” Россия – 1,2 миллион евро.
Рейтингдан кўриниб турибдики, ўзбек футболчиларидан 12 нафарининг трансфер суммаси бир миллиондан ошган. Бу кўрсаткич бўйича Қозоғистонда уч нафар, Тожикистонда бир нафар ўйинчи бор. Туркманистон ва Қирғизистон футболчилари рейтингнинг юқори қисмидан жой олгани йўқ. “Замин” янгиликларини “Инстаграм”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Майк Тайсон: “Йиғладим ва қасос олишга ваъда бердим”
Башар Асад оиласи билан Москвага қочиб келгани маълум бўлди
Исёнчилар Дамашқ қамоқхонасида кутилмаган ҳолатга дуч келишди
Туркия Сурия мухолифатининг Асадни ағдариш режалари ҳақида 6 ой олдин билган
Ўзбек шоу-бизнеси вакиллари Ҳалима Ибрагимовани қандай хотирламоқда?
Башар Асаднинг яқин қариндоши осиб ўлдирилди
Жанубий Корея президентининг мамлакатдан чиқиши тақиқланди
Қарзинг бўлмасин!
