2024 йил ҳам якунланмоқда. Айрим лигаларда футболчилар қисқа муддатли таътилга чиқади. Футбол экспертлари эса, йил якунлари бўйича турли таҳлиллар, тадқиқотлар ва сўровномалар ўтказиб, натижаларини футбол ишқибозлари эътиборига ҳавола этмоқда.
Франция футболини ёритаётган lensois.com портали “Ланс”нинг декабрь ойидаги энг яхши футболчисини аниқлаш мақсадида сўровнома ташкил қилди. Портал эксперти Элоиза Де Местер сўровнома якунлари бўйича қуйидаларни маълум қилди:
- Абдуқодир Ҳусанов — “Ланс”нинг декабрь ойидаги энг яхши ўйинчиси. Қишки таътил бошлангани боис декабрь ойи таҳлилини бироз эрта ёпишга тўғри келди. Lensois.com сайти энг яхши ўйинчини аниқлашни мухлисларга топширди.
Сўровнома ўзбек футболчининг “даҳшатли” ғалабаси билан якунланди. Мухлислар овозларига кзра, Ҳусанов жамоадошлари Адриен Томассон ва Реми Лабо Ласкарини катта устунлик билан ортда қолдирди. Натижалар билан қуйида танишиб олинг, - деб ёзди Элоиза Де Местер.
“Ланс”нинг декабрь ойидаги энг яхши футболчиси сўровномасининг якуний натижалари қуйидагича кўриниш олди:
- Абдуқодир Ҳусанов – 81,9%
- Адриен Томассон – 4,3%
- Реми Лабо-Ласкари – 3,62%
- Пшемыслав Франковский – 3,39%
- Мбала Нзола – 2,94%
- Қолганлар: 2 фоиздан кам.
Эслатиб ўтамиз, 20 ёшли легионеримиз аввал ҳам икки бор – сентябрь ва октябрь ойлари якунлари бўйича жамоасининг энг яхши футболчиси номига сазовор бўлган эди.
PIMS62:
Абдуқодир Ҳусанов биз учун Янги Рафаэль Варан. Афсуски, жамоамизда узоқ қолмайди...
BLACK_CATS_62:
Мен Ҳусановни Варан билан солиштирмаган бўлардим. Чунки уларнинг ўйин услуби умуман бир бирига тўғри келмайди.
Ҳусанов жуда бақувват ҳимоячи, тўқнашувлардан қўрқмайди ва қочмайди, шиддатли ўйнайди, ҳаракатини мунтазам кучайтириб боради.
Ягона ўхшашлиги улар ёшлигиданоқ молиявий сабаблар туфайли клубни эрта тарк этишидир.
RICOU62:
Афсуски, Ҳусановнинг ўрнини тўлиқ боса оладиган номзодимиз йўқ...
JULIO59:
Кевин Дансо, Факундо Медина ва Абдуқодир Ҳусанов Европадаги энг кучли ҳимоя учлиги. Қолганлар эса, ўртамиёна ўйинчилар.
Булар орасида мени фақат Ҳусанов ҳайратга солмоқда. Ёзгача кутсак, унинг нархи янада кўтарилади ва кейин трансфер қилсак бўлади.
Агар “Ланс”да бир неча йил қолса, ўйинларидан баҳраманд бўлардик. Ўғлим Абдуқодирнинг ҳақиқий фанати!
SLY62:
Адашмасам, “Ланс”нинг 100 фоиз мухлислари уни ҳеч бўлмаганда ёзгача ёки ундан ҳам узоқроқ жамоасида қолишини истайди. Бу қишда унинг кетишини кузатиш анча аламли бўлади.
Эслатиб ўтамиз, Абдуқодир Ҳусанов жорий мавсум бошидан бери барча турнирларда 16 та ўйин ўтказиб, ҳимоядаги вазифаларини бажаришдан ташқари, битта ассист ҳам қайд этди. Трансфермаркт портали ўзбек футболчисини 12 миллион еврога баҳоламоқда.
Абдуқодир, Ҳусанов, Абдуқодир Ҳусанов, Ланс, Трансфер, Энг яхши ўйинчи “Замин” янгиликларини “Twitter”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Путин учинчи жаҳон уруши ҳақидаги саволга қандай жавоб берди?
Қушлар учун ақлли қафас тақдим этилди: ўзи овқатлантириб, ўзи тозалайди
Гренландия Дональд Трампга орол сотилмаслигини эслатиб қўйди
Путин МДҲ давлатлари раҳбарлари билан учрашади
Путин МДҲ етакчилари билан учрашувда қандай фикрлар билдирди?
Эрдўғон: “Суриядаги курд жангарилари ё қуролларини топширади, ё дафн қилинади”
Давлат хизматлари соҳасидаги сўнгги янгиликлар ва енгилликлар маълум қилинди
Венгрия бош вазири: Европа Украинадаги можарода ютқазди
