Абдуқодир Ҳусановнинг отаси Ҳикмат Ҳошимов ҳақида нималарни биласиз?

_{Расм: Championat.asia}
Абдуқодир Ҳусановнинг отаси Ҳикмат Ҳошимов ўз даврининг етакчи ўзбек футболчиларидан бири бўлган. У 1979 йил 12 майда туғилган. Футболчилик фаолиятида асосан ҳимоячи ва ярим ҳимоячи позицияларида ҳаракат қилган. Ҳошимов “МҲСК”, “Дўстлик”, “Сўғдиёна”, “Металлург”, “Локомотив”, “Андижон”, “Насаф” ва “Бунёдкор” каби машҳур жамоалар сафида тўп сурган.

Миллий даражада у Ўзбекистон терма жамоаси таркибида 13 та ўйинда иштирок этиб, 1 та гол урган. Унинг ўйин услуби ишончли ҳимоя, тўғри паслар ва жамоани қўллаб-қувватлаш қобилияти билан ажралиб турган.

Ҳикмат Ҳошимов нафақат футбол майдонида, балки шахсий ҳаётида ҳам ўғли Абдуқодир Ҳусанов учун катта ibrat ва таянч бўлган. Абдуқодирнинг айтишича, унинг отаси жуда талабчан, бир вақтнинг ўзида доимо унга ишонч билдирган.

Шунингдек, Ҳошимов ўғлининг карьерасига доимий равишда ёрдам кўрсатиб келади. Айни пайтда у Абдуқодир Ҳусановнинг трансфер жараёнларида фаол иштирок этмоқда. Ҳозирда Ҳусановнинг нархи 30–40 миллион еврога баҳоланмоқда ва у Европанинг бир қатор йирик клублари диққат марказида турибди.

Бундан ташқари, Ҳикмат Ҳошимовнинг футболчилик фаолиятида тўпланган бой тажрибаси Абдуқодир Ҳусановга ўз соҳасида профессионал бўлишда ёрдам бермоқда. Унинг спортга бўлган садоқати ва меҳнати бугунги кунда ўғлининг муваффақиятларида ўз аксини топган. “Замин” янгиликларини “Telegram”да кузатиб боринг