“Манчестер Сити” келаси мавсум олдидан жамоа таркибини янгилашни мақсад қилган. Мавсумнинг биринчи ярмидаги инқироздан кейин клуб раҳбарияти ёши ўтиб қолаётган футболчиларнинг жавобини бериб, уларнинг ўрнини ёш истеъдод эгалари билан тўлдиришни бошлади.
Хусусан, январда Абдуқодир Ҳусанов, Умар Мармуш, Витор Рейс ва Нико Гонсалес трансферлари ана шу мақсадда амалга оширилди.
Клубни тарк этиши кутилаётган юлдузлардан бири Кевин де Брюйне ҳисобланади. Бельгиялик плеймейкернинг ўйинидаги пасайиш, жароҳатларга мойил бўлиб қолгани, тикланиш жараёни секин кечаётгани мураббийлар штабини қониқтирмаяпти.
“Шаҳарликлар” 30 июнь куни шартномаси тугайдиган Кевин де Брюйнега муносиб ўринбосар қидирмоқда. Бир неча футболчиларнинг номзоди кўриб чиқилмоқда.
Бироқ Daily Mail нашри бу позицияга энг зўр номзод “Байер” ҳужумкор футболчиси Флориан Вирц эканини таъкидламоқда. Манчестерликлар немис футболчиси ўзининг ўйин сифати ва хусусиятлари билан Кевин де Брюйненинг ўрнини тўлиқ босишга тайёрлигига ишоняпти.
“Шаҳарликлар” 21 ёшли Вирцни 85 миллион фунтга баҳоламоқда. “Манчестер Сити” бу плеймейкерни олиш учун “Бавария”, “Барселона” ва “Реал” каби грандлар билан рақобатлашишига тўғри келади. Бундан ташқари, “Байер” ҳам ўз етакчиси билан шартномани узайтиришга уринмоқда.
Флориан Вирц жорий мавсумда 35 та учрашувда иштирок этиб, рақиблар дарвозасига 15 та гол урди ва жамоадошларига 11 та голли пас узатди. Унинг Леверкузен клуби билан шартномаси 2027 йилнинг ёзигача давом этиши белгиланган.
Transfermarkt порталида истеъдодли ўйинчининг трансфер суммаси 140 миллион евро қилиб белгиланган. “Замин” янгиликларини “Telegram”да кузатиб боринг
Ctrl
Enter
Хато топдИнгизми
Иборани ажратиб Ctrl+Enter тугмасини босингМавзуга оид янгиликлар
