ЦСКА бош мураббийи кечаги учрашувдан сўнг нималар деди?

ЦСКА бош мураббийи Марко Николич «Зенит»га қарши кечган баҳсдан сўнг ўз фикрларини билдириб ўтди.

«Бугун ўйин учун яхши шароитлар бор эди, стадионда мухлислар кўп эди. Натижадан қониқмадим. Албатта, айни дамда биз Россия чемпионатидаги энг ёш жамоамиз. Биз бундан ғурурланамиз ва бу йўлдан – ёшларимизга ишонишда, уларни ривожлантиришда давом этамиз.

Айтиш мумкинки, ўйин бошидан ташқари қолган вақтда биз яхши ўйнадик. Ўйин назорати бизда эди. Афсуски, гол уришимиз керак бўлган вазиятлардан фойдалана олмадик.

Шунингдек, заҳирадан тушганлардан унчалик мамнун эмасман. Улар режалаштирилганидек ҳаракат қилишмади. Шунга қарамай бизда кейин ҳам бир нечта яхши имкониятлар бўлди. Умуман олганда ҳаётга реал кўз билан қарасак, чемпионат етакчисининг уйидан бир очко билан қайтмоқдамиз. Бу жуда ҳам ёмон натижа эмас. Энди бор эътиборимизни «Химки»га қарши уй учрашувмизга қаратамиз», — деди москваликлар устози.

Манба: @pfccskamoscow

ЦСКА Марко Николич Зенит Футбол Янгиликлар