Манчестерлик мухлисларнинг Абдуқодир Ҳусанов ҳақидаги фикрлари...

Англия Премьер-лигасининг навбатдаги турида “Манчестер Сити” футболчилари тўғридан тўғри рақобатчи “Ноттингем Форест” меҳмони бўлиб, рақибга кичик ҳисобда ютқазди.

Шу тариқа, Хосеп Гвардиола шогирдлари учинчи ўринга кўтарилиб олиш имкониятини қўлдан чиқарди. “Ўрмончилар” эса, битта гол эвазига “шаҳарликлар” билан орадаги фарқни тўрттага етказиб, мусобақа жадвалининг учинчи қаторидаги позициясини мустаҳкамлади.

Манчестерлик мухлислар бу мағлубиятни жуда оғир қабул қилди. Улар “Манчестер Сити”нинг ижтимоий тармоқлардаги саҳифаларида ўз фикр-мулоҳазалари ва эътирозларини билдириб ўтмоқдалар.

Фанатлар фақат Абдуқодир Ҳусановнинг ҳаракатларидан қониқиш ҳосил қилаётганини очиқдан очиқ айтишмоқда.

Thoccoh Steven Jumpha:
Футболчиларимиз бу гал яхши иштирок эта олмади. Уларнинг аксарияти ирода кўрсатгани йўқ. Ҳатто Умар Мармушга ҳам ортиқча баҳо берилган экан. Яна фақат Абдуқодир Ҳусанов ишончимизни оқлади. Ҳимояни мустаҳкам ушлади.

Kipngetich Rono:
Ҳусанов айни пайтда жамоада ҳар томонлама фаоллик кўрсатаётган ягона футболчи. Қолганлари оғир оёққа ўхшайди.

Anearst Kvaratskhelia II:
Яна Гвардиоланинг тактикаси ва “ўғиллари” – Фил Фоден ва Бернарду Силва туфайли мағлуб бўлдик. Лекин, Ҳусанов деганлари ҳақиқий монстр экан. Унга кимлигингни фарқи йўқ. Бу футболчи ўсишда давом этиб, энг юксак чўққиларга чиқишига тилакдошман.

Victor Ngure:
Ҳусановни олиб қолиб, қолганларни сотиб юбор!

Alexander Muduva:
Ҳусанов бу учрашувда ягона жиддий ўйинчи бўлди.

My time:
Биз майдонда фақат Абдуқодирни кўрдик, қолганларга иш қолмабди!

Trapkid Balo:
Ҳусанов майдондаги ягона фойдали ўйинчи...

De Lionell Lucky:
Бу учрашувда ютқаздик. Майдонда энг юқори даражада ўйнаган футболчи Абдуқодир Ҳусанов бўлди.

Loise Loise Jontyez:
Мағлубиятлар жонга тегди. Ҳусанов ишонса бўладиган ягона футболчи экан...

Abdul Doma:
Ҳусанов бугунги кунда “Сити”нинг энг яхши ўйинчиси. Гвардиола Бернарду Силвага ишониб, катта хато қиляпти.

Dancun Kimulwo:
Бой берилган ўйиндан олган ягона фойдамиз –Ҳусановнинг ўйини бўлди. Абдуқодир – ҳимоя қироли!

Moses Musa:
Бернарду Силва ўйнаган 90 фоиз учрашувда ютқазяпмиз. Бу гал Гвардиол ҳам бўшлик қилди. Энди Ҳусанов ва Николарнинг даври келди.

Adams Suleiman:
Ҳусанов бўлмаганида янада кўпроқ гол уришарди. Зўр ҳимоячи экан. Қолганлар яхши ҳаракат қилмади.

Emmanuel Andrew:
Ҳусанов учрашувнинг энг яхши ўйинчиси бўлди. Энди қария юлдузларга жавоб бериб, ёшларини ўйнатавериш керак. “Замин” янгиликларини “Telegram”да кузатиб боринг