Янги қўшиқ: Ҳусанов билан ўйнашма! (видео)

Футбол майдонида ҳақиқий қаҳрамонлик ва маҳорат кўпинча ҳужумчиларга тегишли деб ҳисоблашади. Аммо бугун сизларни ҳимоядаги ҳақиқий юлдуз – Абдуқодир Ҳусановнинг майдондаги моҳирона хатти-ҳаракатлари билан таништирамиз. Унинг ҳар бир ҳаракати мухлисларда ҳайрат уйғотади ва рақиб ҳужумчиларини ларзага солади.

Ҳимоядаги жонкуярлик ва маҳорат

Видеода Ҳусановнинг қўйган “қопқонлари”ни кузатиш мумкин. Рақиб ҳужумчиси тўп билан бўш майдонга чиқяпти, гол уришга тайёр, аммо Ҳусанов мўъжизавий тезликда етиб келади ва тўпни маҳорат билан тортиб олади! У нафақат рақиблар учун, балки бутун жамоаси учун ҳақиқий қалқон вазифасини бажаради.

Ҳимоячига мухлислар қўшиқ бағишлаши – камдан кам ҳолат!

Футболда ҳужумчилар учун кўплаб қўшиқлар айтилган, аммо ҳимоячига мухлислар қўшиқ бағишлаши камдан-кам учрайди. “Ҳусанов билан ўйнашма!” деб номланган янги қўшиқ айнан шунинг далили! Мухлислар унинг майдондаги қатъияти, рақибларга бирор имконият қолдирмаслиги ва голлардан жамоани қутқаришини улуғлашмоқда.

“Ман Сити” девори – Ҳусанов!

Ҳусанов рақибларни қувиб етади, уларнинг хатти-ҳаракатларини олдиндан ҳис қилади ва юксак техника билан ҳужумларни бартараф этади. Агар сиз унинг майдондаги ўйинини кузатган бўлсангиз, билиб қўйинг – бу шунчаки футбол эмас, санъат!

Ҳусанов – “африкалик”лар ҳам мухлиси бўладиган даражада!

Унинг маҳоратли ҳаракатларини кўриб, ҳатто бошқа қитъадаги мухлислар ҳам Ҳусановнинг ўйинига мафтун бўлишмоқда. Бир мухлис шундай деган: “Бу ҳимоячининг ҳаракатларини кўриб, ҳатто африкаликлар ҳам унинг мухлисига айланади-ёв!”. Бу эътироф Ҳусановнинг нафaқат жамоаси, балки бутун дунё футболи учун муҳим фигурага айланиб бораётганини кўрсатади.

Футболдаги ҳақиқий буюклик нафақат гол урганларда, балки жамоасини голлардан сақлаганларда ҳамдир. Абдуқодир Ҳусанов – ҳимоядаги йўлбарс! Унга қарши ўйнашга журъат этган ҳар қандай ҳужумчи йўқотишга маҳкум.

Ҳусанов билан баҳслашиш – маъносиз! “Замин” янгиликларини “Telegram”да кузатиб боринг