Тимур Кападзе Азиз Ғаниевни терма жамоага қайтиши ҳақидаги саволга жавоб берди

Ўзбекистон МТЖ бош мураббийи Тимур Кападзе 90minutuz подкасти меҳмони бўлди. Бош мураббийимиз БААда фаолият олиб бораётган Азиз Ғаниев ҳақидаги саволга жавоб берди.

"Азизни биз ўйладик. У бизнинг рўйхатда бор. Ғаниев терма жамоага аввал ҳам чақирилганди, шунчаки аввалги мураббийларнинг тактикасига тўғри келмаган бўлса керак. Уни ўйинларини кузатиб бормоқдаман. Биринчидан, у ҳозирги 3-5-2 тактикасига мос тушмаслиги мумкин. 4-3-3 тактикасида эса Ғаниевга ҳам яна бошқа футболчиларга ҳам жой топилиши мумкин.

Бизда вақт кам бўлгани сабабли анча вақтдан бери у термага чақирилмаган Ғаниевнинг имкониятларидан бу сафар фойдаланмасликка қарор қилдик. Агарда ўртоқлик учрашуви бўлганида Азизни аниқ йиғинга таклиф қилган бўлардим. Бир неча йил аввал вақтинчалик мураббий бўлганимда ҳам уни чақирганман. Унинг имкониятларини яхши биламан, у кучли футболчи", — деди Кападзе.

Манба: 90minutuz “Замин” янгиликларини “Telegram”да кузатиб боринг