"Ман Сити" 2025 йилги трансфер бозорида тўлиқ янгиланди – юлдузларга бой рўйхат

Англиянинг “Манчестер Сити” жамоаси 2025 йилги трансферларида яна ўз услубига содиқ қолди — жаҳон футболидаги энг иқтидорли ва истиқболли футболчиларни жамоа сафига қўшиб олди. Ladbrokes томонидан эълон қилинган расмий рўйхатда “шаҳарликлар”нинг 8 нафар янги футболчи учун қанча маблағ сарфлагани ҳам аниқ кўрсатилган.

Қуйида “Сити”нинг 2025 йилдаги энг қиммат трансферлари билан танишамиз:

1. Омар Мармуш – 75 млн евро
Мисрлик ҳужумчи бу йилги трансферлар ичида энг қиммати бўлди. Унинг универсаллиги, ҳужумдаги жарима майдонида ҳаракатчанлиги ва дриблинг маҳорати “Сити”ни унга сармоя киритишга ундади.

2. Нико Гонсалес – 60 млн евро
Испания футбол мактабида шаклланган, техник имкониятлари юқори бўлган ярим ҳимоячи “Сити” марказини мустаҳкамлаш мақсадида олинди. Унинг пас маданияти ва тўпни назорат қилиш қобилияти Гвардиоланинг услубига мос келади.

3. Тейани Рейндерс – 57 млн евро
Нидерландиялик ярим ҳимоячи яқинда “Милан”дан келиб қўшилди ва ўз сўзларига кўра, “Сити”да Кевин Де Брюйненинг ўрнини босиш эмас, балки ўз ўйинини намоён этиш ниятида.

4. Райан Черки – 40 млн евро
Лионнинг яшин тезликдаги, техник жиҳатдан етук ҳужумкор ярим ҳимоячиси. Унинг фантазияси ва дриблинг маҳорати “Сити” мухлислари учун ҳақиқий шоуга айланиши кутилмоқда.

5. Абдуқодир Ҳусанов – 40 млн евро
Ўзбек футболи тарихидаги энг муҳим трансфер. Франциянинг “Ланс” жамоасидан 40 млн евро эвазига келган ёш ҳимоячи ўзининг Жаҳон чемпионатидаги ўйини орқали скаутларнинг диққат марказига тушганди. Энди у Гвардиола қўл остида ёнади.

6. Витор Рейс – 37 млн евро
Ҳимоя чизиғи учун қўшилган яна бир муҳим ном. Физик жиҳатдан бақувват, ҳаводаги курашларда фаол ва юқори интуицияга эга футболчи сифатида баҳоланмоқда.

7. Райан Айт-Нури – 37 млн евро
Чап қанот ҳимоячиси сифатида “Вулверхэмптон”да ўзини кўрсатган футболчи. Уни “Сити” Мэндининг ўрнини тўлдирувчи сифатида кўришмоқда.

8. Жума Бах – 6 млн евро
Нисбатан арзон трансфер, аммо унинг иқтидори юқори баҳоланмоқда. Африка футбол мактабида тарбияланган бўлиб, ўз устини шиддат билан ишлаётган футболчи сифатида танилмоқда.

Умумий ҳисобда "Манчестер Сити" 2025 йилги трансферлар учун тахминан 352 миллион евро сарфлади.

Бу кўрсаткич жамоанинг келгуси мавсумдаги чемпионлик учун жиддий кураш олиб бориш нияти борлигини англатади. Хосеп Гвардиоланинг янги қурилаётган таркиби мухлислар ўртасида катта қизиқиш уйғотмоқда.

“Сити” янги мавсумда АПЛ, Чемпионлар Лигаси ва янги форматдаги Клублар ўртасидаги Жаҳон чемпионатида иштирок этади.

Мухлислар учун савол: Сизнингча, юқоридаги қайси трансфер энг самарали бўлади? «Замин»ни Telegram’да ўқинг!