Англиянинг “Манчестер Сити” клуби матбуот хизмати Португалия терма жамоаси ва “Ливерпул” ҳужумчиси Диегу Жотанинг ҳалок бўлгани ҳақидаги фожиали хабар юзасидан муносабат билдирди, деб Euro-football.ru хабар берди.
Маълумотларга кўра, 28 ёшли футболчи автоҳалокатга учраган. Клуб матбуот хизматига кўра, бутун жамоа Диегу Жотанинг вафоти ҳақидаги хабардан чуқур қайғуда.
Жамоа унинг яқинлари ва дўстлари, шунингдек, “Ливерпул” клуби ходимларига самимий таъзия билдирган. “Диегу, тинч ухлагин”, — дейилади клуб баёнотида.
Диегу Жота 2020 йилдан бери Мерсисайд клуби сафида тўп сурган. Ўтган мавсумда португалиялик ҳужумчи Англия Премьер-лигасида 26 та ўйинда иштирок этиб, 6 та гол урган ва 3 та голли узатма амалга оширган.
У “қизиллар” билан Англия чемпионлигини қўлга киритган. Жотанинг ҳалокати футбол олами учун катта йўқотиш сифатида баҳоланмоқда.
«Замин»ни Telegram’да ўқинг!
Ctrl
Enter
Хато топдИнгизми
Иборани ажратиб Ctrl+Enter тугмасини босинг Мавзуга оид янгиликлар
