Энрике тан олди: “Челси” биздан яхшироқ ўйнади ва бунга лойиқ эди

Клублар ўртасидаги жаҳон чемпионати финали ПСЖ учун унутилмас, бироз оғриқли бўлди. “Челси”нинг йирик ҳисобдаги ғалабасидан сўнг парижликлар бош мураббийи Луис Энрике ўйин бўйича фикр билдирди ва рақиб устунлигини очиқ тан олди.

— “Биз катта спортнинг ичидамиз. Баъзан шундай кунлар ҳам бўлади. Албатта, ўйинни яна бир бор таҳлил қилишимиз керак. Бир нарса аниқ: “Челси” биздан яхшироқ бошлади. Уларнинг прессинги самарали бўлди ва биз учун катта муаммолар туғилди. Улар ҳужум қилишда анча эркин ҳаракат қилишди. Биз эса ўйинга мослашишда қийинчиликка учрадик”, — деди Энрике.

Мураббий шунингдек, “Челси” сафидаги юлдузлардан бири бўлган Коул Палмернинг ўйинини алоҳида эътироф этди:

— “Палмер ҳақиқий супер ўйин намоён этди. Унинг ҳаракатлари ва қарорлари рақиб ўйинини бутунлай бошқача даражага олиб чиқди. У бугунги ғалабанинг асосий қаҳрамонларидан бири бўлди”.

Энрике рақибни чемпионлик билан табриклади ва бу мағлубиятни жамоа учун сабоқ сифатида баҳолади. Унга кўра, бундай финаллар тажриба ва келгуси ўйинлар учун мотивация бўлиши керак.

Сиз нима деб ўйлайсиз: ПСЖ бу мағлубиятдан кейин кучлироқ жамоа сифатида қайтиши мумкинми? «Замин»ни Telegram’да ўқинг!