Луис Энрике Суперкубокдаги мағлубиятдан сўнг кескин баёнот берди!

1 дақиқа ўқиш127
Луис Энрике Суперкубокдаги мағлубиятдан сўнг кескин баёнот берди!
ҚисқачаAI ёрдамида тайёрланганКўрсатиш
  • «PSJ»
  • Суперкубок баҳсида 50 дақиқадан ортиқ вақт 10 киши бўлиб ўйнаган «Ланс»га 0:1 ҳисобида ютқазди.
  • Луис Энрике натижани адолациз деб атаб, жамоаси ғалабага лойиқ бўлганини, аммо ҳужумларни якунлаш етишмаганини таъкидлади.
  • У «Ланс» ҳеч қайси жиҳатда «PSJ»дан устун бўлмаганини, Усмон Дембеле ва Нуну Мендешда яхши имкониятлар бўлганини айтди.

Францияда янги футбол мавсуми старти амалдаги Лига 1 чемпиони ҳисобланган Парижнинг юлдузли «ПСЖ» клуби учун кутилмаган омадсизлик билан бошланди. «Боллар-Делелис» стадионида кечган Суперкубок баҳсида парижликлар 50 дақиқадан ортиқ вақт давомида 10 киши бўлиб ўйнаган «Ланс»га 0:1 ҳисобида имкониятни бой бериб, мавсумдаги илк совринни қўлдан чиқарди.

Учрашув якунлангач, «ПСЖ» бош мураббийи Луис Энрике журналистлар қаршисида чиқиш қилиб, жамоасининг ўйинидан мамнун эканини, бироқ натижа мутлақо адолатсиз бўлганини очиқ таъкидлади.

«Биз кўпроқ нарсага лойиқ эдик, аммо ҳужумларни якунлаш етишмади»

Испаниялик мутахассис майдондаги тўлиқ устунлик ва яратилган вазиятлар ҳақида тўхталиб, шундай деди:

«Бизга ҳужумларни якунлаш етишмади. Менинг назаримда, ўйин суръати ва яратилган вазиятлар жуда ижобий эди. Бутун учрашув давомида, айниқса биринчи бўлимда кўрганларимдан жуда мамнунман.

Бу сўнгги учрашувларимиз билан солиштирганда „Ланс“ бизга қарши энг кам хавфли имконият яратган ўйин бўлди. Албатта, якуний натижадан мамнун эмасман, аммо биз ғалабага ва кўпроқ нарсага лойиқ эдик. Бироқ „Ланс“ни табриклашим керак, улар ғалаба қозонишди ва ўзларига хос юқори шиддатда ҳаракат қилишди».

«„Ланс“ ҳеч қайси жиҳатда биздан устун эмасди»

Рақибнинг қайси жабҳада парижликлардан яхшироқ ҳаракат қилгани ҳақидаги тўғридан-тўғри саволга Луис Энрике кескин ва совуққонлик билан жавоб қайтарди:

  • Мутлақ назорат: «„Ланс“ қайси жиҳатларда яхшироқ эди? Ҳеч қайси жиҳатда! Менимча, биз анча кучлироқ эдик. Бу табиий, биз бундай финал ўйинларига кўпроқ ўрганганмиз. Аммо стадиондаги муҳит ва рақибнинг қилган барча ҳаракатларини ҳисобга олсак, улар жуда тартибли ҳимояланишди»;

  • Дембеле ва Мендешнинг имкониятлари: «Биз ўйинни тўлиқ назорат қилдик. Бизга янада аниқроқ голли вазиятлар керак эди, Усмон Дембеле ва Нуну Мендешда жуда яхши имкониятлар бўлди. Жуда яхши ўйин ўтказдик, аммо шунчаки омадимиз келмади».

Париж клуби устози мағлубиятга қарамай жамоаси тўғри йўналишда эканини таъкидлаб, бор эътиборини миллий чемпионат ва Европа майдонларидаги бўлажак расмий тўқнашувларга қаратишини маълум қилди.

Фикрингизни изоҳда қолдиринг ва мақолани танишларингизга Telegram ёки бошқа ижтимоий тармоқлар орқали улашинг.

Мақола сизга ёқдими?

Обуна билан реклама бўлмайди

Zamin Premium — ойига 4 900 сўм

Изоҳлар0

…

  1. Футбол академиялари учун Skaut: тўлов, давомат ва ота-она билан алоқа энди битта тизимда
  2. Тошкентдан Америкага: Нурмухаммад Исмоилов Akinda орқали ҳалол инвестицияни глобал миқёсга олиб чиқмоқда
  3. Автосервисингизни рақамлаштиринг: Bip Business билан мижозларни йўқотманг
  4. Машина ойнасига рақам ёзиш хавфлими? Bip ҳайдовчилар учун янги ечим топди!
  5. 8 та кенг тарқалган молиявий хато: нималардан сақланиш керак?
  6. Playmatch: майдон эгалари ишини анча енгиллаштиради
  7. Playmatch: футбол ўйнаш учун керакли барча хизматлар битта иловада
  8. Кундалик харажатлар учун картани қандай танлаш мумкин?
  9. Элдор Шомуродов футбол академияси ва TBC Bank: болалик орзуларидан катта футболгача
  10. ANORBANK Бўстонлиқдаги 168-сон мактаб-интернат тарбияланувчиларини табриклади
  11. Ҳайдовчилар ва ташувчилар учун ОСГОП суғуртасининг афзалликлари...
  12. Pure Milky’дан навбатдаги креатив: Ҳар қадам — азиз инсонларга меҳр билан!
  13. Кредит олиш имкониятини ошириш учун қаерда ишлаш керак?
  14. Бизнес имкониятингизни кенгайтиринг
  15. Фаннинг ривожланишига барчамиз масъулмиз!
  16. XIV Тошкент халқаро кинофестивали қандай ўтказилмоқда?