Европа футбол бозорида яна бир катта ўзгариш амалга ошди — ЦСKAнинг ёш ва иқтидорли ҳужумкор ярим ҳимоячиси Аббосбек Файзуллаев Туркиянинг “Истанбул Башакшеҳир” клуби билан расман шартнома имзолади. Турк клуби мазкур трансфер учун 7,5 миллион евро тўлади ва шу билан “Пахтакор” клуби ҳам ўз футболчисининг катта трансфери ортидан 10 фоиз — 750 минг евро миқдорида тўлов олади.
Аббосбек Файзуллаевнинг янги жамоада 11-рақамда ҳаракат қилиши аниқ бўлди. Унинг “Истанбул Башакшеҳир”га ўтиши нафақат ўзбекистонлик мухлислар, балки турк футболи ишқибозлари орасида ҳам катта қизиқиш уйғотмоқда. Боиси, Аббос Европа саҳнасида ўзини кўрсатишга муваффақ бўлган ёшлардан бири сифатида янги босқичда яна юқори марралар сари қадам ташлади.
Ушбу трансфер ортидан "Пахтакор"нинг ҳам фойда кўргани, ўзбек футболи учун қувонарли воқеадир. Йирик суммали шартнома маҳаллий футболчиларимизга ҳам янги имкониятлар эшигини очади. Аббоснинг Туркиядаги фаолияти янада кенг кўламда кузатилади, деб кутиляпти. Янгиликларга кўра, янги мавсумда “Истанбул Башакшеҳир” клуби Европа конференциялар лигаси (КЛ) баҳсларида қатнашади ва Файзуллаевнинг халқаро майдонда ҳам ўзини кўрсатиш имкони катта.
Таҳлилчилар фикрича, Аббосбек Файзуллаевнинг Туркияга йўл олиши — бу унинг профессионал ривожланиши йўлида навбатдаги қадам, янги иқтидорлар ва тажриба олиш учун яхши имконият. Турк клубидаги фаолияти орқали у ўз маҳоратини янада ошириши, юқори даражадаги рақобатда ўзига хос ўйини билан ишқибозлар эътиборини тортиши мумкин.
Мухлислар эса янги мавсумда Аббосбек Файзуллаевнинг “Истанбул Башакшеҳир” сафида қандай ўйин кўрсатишини, унинг 11 рақамли либосдаги илк чиқишини ва янги жамоада қандай ўрин эгаллашини интизорлик билан кутмоқда.
Қисқаси, Аббос учун янги мамлакат, янги жамоа ва янги чўққилар сари қадам бошланди. “Истанбул Башакшеҳир” сафидаги тўп тепишлари унинг Европа футболидаги нуфузини янада мустаҳкамлаши мумкин. «Замин»ни Telegram’да ўқинг!
Ctrl
Enter
Хато топдИнгизми
Иборани ажратиб Ctrl+Enter тугмасини босинг Мавзуга оид янгиликлар
