Дунёнинг бокс жамоатчилиги диққати яна бир бор таниқли “The Ring” нашри томонидан янгиланган оғир вазн тоифасидаги энг кучли боксчилар рейтингига қаратилди. Мазкур рейтинг ҳар доим ҳам мухлислар, ҳам экспертлар томонидан катта қизиқиш билан кутилади, чунки у дунё бўйлаб бокснинг энг нуфузли ва йўналиш берувчи манбаларидан бири ҳисобланади.
Сўнгги янгиланган рейтингда эса айниқса британиялик Даниэль Дюбуа юқори поғонага кўтарилиши билан эътирофга сазовор бўлди. Маълумки, у яқинда украиналик Александр Усик билан реванш жангини ўтказди ва мағлуб бўлганига қарамай, тўртинчи ўринга чиқди. Бу ҳолат, албатта, жаҳон бокс мухлислари орасида катта муҳокамаларга сабаб бўлди.
Чемпионлик позициясида Александр Усик (Украина) ўз ўрнини сақлаб қолган. Биринчи ўринда эса Тайсон Фьюри (Буюк Британия) турибди. Иккинчи ўринда Янги Зеландия вакили Жозеф Паркер, учинчи ўринда эса Германиядан Агит Кабаел жой олган.
“The Ring” рейтингидаги кучли ўнлик қуйидаги тарзда шаклланган:
Чемпион: Александр Усик (Украина)
-
Тайсон Фьюри (Буюк Британия)
-
Жозеф Паркер (Янги Зеландия)
-
Агит Кабаел (Германия)
-
Даниэль Дюбуа (Буюк Британия)
-
Энтони Жошуа (Буюк Британия)
-
Филип Хргович (Хорватия)
-
Фабио Вардли (Буюк Британия)
-
Чжан Жилей (Хитой)
-
Мартин Баколе (Конго Демократик Республикаси)
-
Эфе Аджагба (Нигерия)
Ушбу рейтингда ҳар бир боксчи ўз юрти шарафини муносиб ҳимоя қилмоқда. Айниқса, оғир вазндаги жанглар ва чемпионлик учун бўлган курашлар доимо спорт муҳитида алоҳида қизиқиш уйғотган. Рейтингдаги ҳар бир спортчи ўз натижалари ва рингдаги ҳаракатлари билан жаҳон боксининг энг юқори поғоналарига муносиб эканини кўрсатмоқда.
Мухлислар эса, ушбу янгиланган рейтинг натижалари асосида янги жанглар ва чемпионлик баҳсларини интиқлик билан кутмоқда. “The Ring” каби нашрлар эса, спортчиларнинг ҳар бир ғалабаси ва мағлубиятини доим диққат билан кузатиб, рейтингни мутахассисона янгилаб боради.
«Замин»ни Telegram’да ўқинг!
