“Реал Мадрид ТВ” дастури орқали клубнинг Чемпионлар лигасида Қозоғистоннинг “Қайрат” жамоасига қарши кечадиган баҳс ҳақида сўз юритилди. Эфир давомида айниқса узоқ масофага сафар қилиш масаласи катта муҳокамага сабаб бўлди.
Бошловчилардан бири шундай изоҳ берди:
— Ким ўйлабди дейсиз, биз энг узоқ сафарга йўл оляпмиз — қарийб 6500 километр, бу деярли Хитойгача бўлган масофа. Бу, албатта, жамоага жисмоний жиҳатдан ҳам, психологик жиҳатдан ҳам қийинчилик келтириши мумкин.
Яна бир бошловчи эса ўз фикрини қўшимча қилди:
— Хўш, “Реал”га яна ўтган мавсумдагидек қуръада энг ноқулай рақиблар тўғри келди. Қизиғи шундаки, иккала ҳолатда ҳам қуръа компьютер орқали ўтказилди. Бу қанчалик тасодиф эканлиги кўпчиликни ўйлантириши табиий. Ахир, гап нафақат кучли рақиблар ҳақида, балки ҳатто нисбатан кичик клубларга қарши ҳам биз учун энг оғир йўл тушди — Хитой чегарасигача деярли 300 километр қолган ҳудудга боришга тўғри келади.
Мутахассислар таъкидлашича, бундай сафарлар жамоа тайёргарлиги ва тикланиш жараёнига таъсир кўрсатиши мумкин. Аммо шунга қарамай, “Реал” катта мақсадлар йўлида бу тўсиқларни ҳам енгиб ўтиши кутилмоқда.
Мухлислар эса “қироллик клуби”нинг Олмаота сафарида қандай натижа қайд этишини катта қизиқиш ва интиқлик билан кутмоқда.
«Замин»ни Telegram’да ўқинг!
