Германия миллий жамоаси устози Юлиан Нагельсман Словакияга қарши кечган учрашувдаги мағлубиятдан сўнг қаттиқ танқидий фикрлар билдирди. Унинг таъкидлашича, бундай ўйин билан Жаҳон чемпионатига йўл олиш ва унда муносиб қатнашиш ҳақида гапириш ортиқча.
"Ростини айтсам, ҳеч қандай баҳона йўқ. Ҳар бир футболчи шуни англаб олиши лозимки, бизнинг мақсадимиз — Жаҳон чемпионатига бориш ва у ерда муносиб иштирок этиш. Аммо бугунги баҳсда кўрсатилган ўйин билан биз мундиалга муносиб эмаслигимизни кўрсатдик.
Кўпчилик: 'Энг кучли таркибни йиғиш керак', дейди. Бироқ мен учун муҳим жиҳат — ким ҳақиқатан ҳам бор кучини майдонга қўя олади. Фақат номига кучли футболчилар эмас, балки майдонда юраги билан курашадиганларни чақириш вақти келди. Миллий жамоа учун ўзини аямайдиган йигитлар керак, бундан бошқаси эмас", — дея изҳор этди Нагельсман.
Мураббийнинг бу сўзлари Германиядаги кенг муҳокамаларга сабаб бўлди. Мухлислар ҳам футболчилардан фақат натижа эмас, балки руҳий барқарорлик ва чинакам фидойилик кутишмоқда.
«Замин»ни Telegram’да ўқинг!
