Ўзбекистон футбол ассоциацияси терма жамоалар бўлими раҳбари сифатида ишлаб келган Шерзод Игамбердиев энди бу вазифада фаолият юритмайди. Бу ҳақда собиқ масъул шахснинг ўзи ижтимоий тармоқдаги шахсий саҳифасида маълумот берди.
Маълумки, Игамбердиев 2024 йил ноябридан бошлаб ЎФА терма жамоалар бўлими бошлиғи сифатида иш олиб борган эди. Унинг бошқаруви даврида миллий жамоалар билан боғлиқ бир қатор ишлар амалга оширилди.
Шу билан бирга, у ассоциациянинг халқаро алоқалар бўлими раҳбари сифатида ҳам хизмат қилиб келган. Ушбу жараёнда халқаро майдонда кўплаб музокара ва ҳамкорлик алоқаларини йўлга қўйгани қайд этилади.
Шерзод Игамбердиев ўз баёнотида жамоа ва ҳамкасбларига миннатдорчилик билдириб, келгусида янги йўналишларда фаолият юритишини айтиб ўтди.
Бу ўзгаришдан сўнг, ЎФА терма жамоалар бўлимида бошқарув учун янги номзод тайинланиши кутилмоқда. Мухлислар эса бу қарордан кейин миллий жамоалар тизимида қандай янгиликлар бўлишини қизиқиш билан кутмоқда.
«Замин»ни Telegram’да ўқинг!
