«Реал»да энг замонавий кийинадиган футболчи кимлиги очиқланди

«Реал Мадрид» матбуот хизмати жамоа аъзолари орасида қизиқарли савол ўтказди. Саволнинг мазмуни оддий: «Қайси футболчи жамоада энг замонавий услубда кийинади?»

Биринчи бўлиб Беллингҳем жавоб берди ва «Алаба»ни кўрсатди. Дани Себалос эса «Карвахал»ни тилга олди. Раул Асенсионинг фикрича, бу — «Себалос».

Англиялик Трент Александер-Арнолд ҳам Алабани таъкидлади. Родриго эса аввало ҳазил қилиб: «Ўзим», деди ва кейинчалик «Камавинга»ни танлади. Винисиус эса «Ўзим», деб жавоб қайтарди.

Милитао: «Жамоада бир неча футболчи бор, аммо мен ўзимни иккинчи ўринда деб ҳисоблайман», – дея фикр билдирди. Камавинга эса «Биринчи навбатда ўзим, кейин Винисиус ва Алаба», деб таъкидлади.

Шу заҳоти Винисиус кулиб: «Йўқ, энг замонавийи Камавинга. У ҳам менга овоз берган бўлса керак», деди.

Шундай қилиб, жамоада энг кўп овозни Камавинга ва Алаба тўплади. Улар мадридлик футболчилар орасида замонавий услубда кийинишда етакчи сифатида тан олинди.

Шухрат Раззаков

«ЗАМИН.УЗ» муҳаррири