Бразилиянинг «Шапекоэнсе» футбол клуби аъзолари ва ходимлари учаётган самолётнинг қулаши билан боғлиқ ҳодисани ўрганган Боливия ҳукумат комиссияси тергов натижаларини эълон қилди. Уларнинг фикрича, ҳалокатга учувчи Мигель Кирога айбдор бўлган, деб ёзмоқда Kun.uz сайти.
GloboEsporte маълумотларига кўра, учувчи белгиланган йўналишдан чекингани сабабли самолётга парвозни якунлаш учун ёнилғи етмай қолган. Самолёт соатига 250 км тезликда тоққа келиб урилган.
Терговнинг аниқлашича, учувчининг малакаси бу каби парвозларни амалга ошириш талабига жавоб бермаган.
Кирога етарли даражада парвоз соатига эга бўлмаган, бу турдаги самолётни яхши билмаган, меҳнатга жойлашганида эса, ёлғон маълумотларни ҳам тақдим этган бўлиши мумкин.
«Ушбу фожиа юзасидан бевосита жавобгарлик LaMia идораси ва учувчи зиммасидадир», — дея Боливия жамоат ишлари вазири Кларос сўзларини келтиради ABI агентлиги.
Мазкур авиаҳалокат сабабли Боливия авианазорат бошқармасининг собиқ вакили Густаво Варгас Вильегас ҳибсга олинган. У Колумбияда ҳалокатга учраган самолётга лицензия беришда ўз хизмат лавозимидан фойдаланган бўлиши мумкин. Бундан ташқари, унинг отаси ва LaMia авиакомпанияси раҳбари Густаво Варгас Гамбоа ҳам қўлга олинган. Гумонланувчиларнинг иккиси ҳам ўз айбини тан олмаяпти.
29 ноябрда Колумбияда содир бўлган авиаҳалокат оқибатида самолёт бортидаги 77 кишидан 71 киши ҳаётдан кўз юмган эди.
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
БААда исроиллик раввин ўлдириб кетилди
Медведев: Махсус ҳарбий операция учун қуролларнинг аксарияти Россияда ишлаб чиқарилади
Филиппинда амалдор президент ва рафиқасини ўлдириш учун қотил ёллади
Қозоғистон президенти маҳаллийлаштирилган спортчилар сонини камайтиришга топшириқ берди
АҚШда 10 ёшли бола полицияга қўнғироқ қилиб, математикадан уй вазифасини бажаришда ёрдам сўради
Хонанда Муниса Ризаева илк марта она бўлди
Мигрень, кластер цефалгия, зўриқиш... Бош оғриғининг неча тури мавжуд?
Сайхунободда қарздор отадан салкам 75 млн сўм алимент пуллари ундирилди
