Матри: "Ювенинг кайфияти мени хавотирга солмоқда"

Италиянинг собиқ ҳужумчиси Алессандро Матри "Ювентус" жамоасидаги муаммолар ҳақида фикр билдирди. Турин гранди якшанба куни А Сериясида "Лацио"га қарши ўйинда (0:1) мағлубиятга учраб, кетма-кет учинчи ўйинда ютқазди.

"Ювентус"нинг ҳозирги кайфияти мени хавотирга солмоқда, гарчи иккинчи бўлимда бироз жавоб реакциясини кўриш мумкин эди. Саккиз ўйин давомида ғалабасиз қолиш футболчиларнинг руҳиятига таъсир кўрсатмасдан қолмайди", – дейди Матри италиялик оммавий ахборот воситаларига берган интервьюсида.

Кетма-кет муваффақиятсизликлардан сўнг, "Ювентус" А Серияси турнир жадвалида саккизинчи поғонага тушиб кетди. Матбуотда бош мураббий Игор Тудорнинг истеъфоси ҳақидаги миш-мишлар тобора кўпаяётганига қарамай, клуб расмийлари бу маълумотларни рад этишда давом этмоқда.