Джош Дасилва «Брентфорд» билан шартномани узайтирди
Джош Дасилва Англиянинг "Брентфорд" клуби билан жорий мавсум охиригача амал қилувчи янги шартнома имзолади. "Арсенал" тарбияланувчиси 2018 йилдан буён "Брентфорд" сафида 157 та ўйин ўтказиб, 22 та гол урган ва 12 та голли узатма берган. Унинг аввалги шартномаси жорий йил ёзида тугаган, бироқ футболчи 2024 йил феврал ойида олган тиззасидаги оғир жароҳатдан кейинги реабилитациясини якунлаш учун жамоада қолган.
Англиянинг «Брентфорд» клуби ярим ҳимоячиси Джош Дасилва жорий мавсум охиригача амал қилувчи янги шартнома имзолади. Бу ҳақда клубнинг расмий сайти хабар бермоқда.
Лондоннинг «Арсенал» клуби тарбияланувчиси ҳисобланган ва бир нечта позицияда ўйнашга қодир бўлган Дасилва 2018 йилда «Брентфорд» сафига қўшилган. Шу вақтга қадар у жамоа сафида 157 та ўйинда иштирок этиб, 22 та гол урган ва 12 та голли узатма берган.
Дасилванинг шартномаси жорий йилнинг ёзида тугаган эди, аммо футболчи жамоа билан қолгани сабаб 2024 йил февраль ойида тиззасидаги оғир жароҳатдан кейинги реабилитация жараёнини якунлашга қарор қилди.
«Биз уни яна майдонга қайтаришни хоҳлаймиз. Агар уни аввалги даражасига олиб чиқсак, у биз учун қимматли ўйинчи бўлади», - дея таъкидлади «арилар» бош мураббийи Кит Эндрюс.
Transfermarkt портали футболчининг нархини 3 миллион евро деб баҳоламоқда. Дасилва Англия ёшлар терма жамоаси билан 19 ёшгача бўлганлар ўртасида Европа чемпиони бўлган.
Изоҳлар 0
…