Англия Премьер-лигасининг 36-туридан ўрин олган “Манчестер Сити” — “Брентфорд” учрашуви бошланиш арафасида. Беллашув Тошкент вақти билан 21:30 да старт олади. Мавсумнинг ҳал қилувчи палласида ўтадиган ушбу баҳс ҳар икки жамоа учун ҳам муҳим аҳамият касб этади.
“Манчестер Сити” чемпионлик пойгасида хатога йўл қўймасликка ҳаракат қилмоқда. Хосеп Гвардиола шогирдлари ўз майдонида фақат ғалаба учун ҳаракат қилиши табиий. “Брентфорд” эса кучли рақибга қарши тартибли ҳимоя ва тезкор қарши ҳужумлар орқали имконият излаши кутилмоқда.
Учрашув олдидан икки жамоанинг бошланғич таркиблари эълон қилинди. “Манчестер Сити” сафида дарвозани Жанлуижи Доннарумма қўриқлайди. Ҳимоя чизиғида Матеуш Нунес, Марк Гехи ва Натан Аке ҳаракат қилади. Ярим ҳимояда Нико О’Райли, Бернарду Силва, Тижани Рейндерс ҳамда Антуан Семеньо жамоа ўйинини ташкил этиши кутилмоқда. Ҳужумда эса Райан Шерки, Жереми Доку ва Эрлинг Ҳоланд майдонга тушади.
“Сити”нинг захира ўриндиғида Траффорд, Диаш, Стоунз, Мармуш, Ковачич, Нико, Айт-Нури, Савиньо ва Фоден каби футболчилар бор. Бу эса Гвардиолага ўйин давомида таркибни кучайтириш ва турли тактик ўзгаришлар қилиш имконини беради. Ҳусанов қайдномада ҳам йўқ.
“Брентфорд” ҳам ушбу баҳс учун асосий кучларини майдонга ташламоқда. Жамоа дарвозасини Каомин Келлеҳер ҳимоя қилади. Ҳимоя чизиғида Аарон Хикки, Натан Коллинс, Кристоффер Айер ва Майкл Кайоде ўрин олган. Ярим ҳимояда Матиас Йенсен, Егор Ярмолюк ва Миккел Дамсгор ҳаракат қилади. Ҳужум учлигида эса Кин Льюис-Поттер, Игор Тиаго ва Кевин Шаде рақиб ҳимоясига босим ўтказишга уринади.
“Брентфорд” захирасида Валдимарссон, ван ден Берг, Пиннок, Ҳендерсон, Дасилва, Нелсон, Уаттара, Жанелт ва Фуро қайд этилган.
Бу баҳсда асосий эътибор, албатта, “Манчестер Сити” ҳужум чизиғига қаратилади. Ҳоланд марказда, Доку қанотда, Шерки эса ижодкорликда жамоага катта ёрдам бериши мумкин. “Брентфорд” эса тартибли ҳимоя, жисмоний кураш ва тезкор қарши ҳужумлар орқали мезбонларга муаммо туғдиришга ҳаракат қилади.
АПЛ. 36-тур
“Манчестер Сити” — “Брентфорд”
Бошланиш вақти: 21:30
“Манчестер Сити” бошланғич таркиби:
Доннарумма, Матеуш Нунес, Марк Геи, Натан Аке, Нико О’Райли, Бернарду Силва, Тижани Рейндерс, Антуан Семеньо, Райан Шерки, Жереми Доку, Эрлинг Ҳоланд.
“Брентфорд” бошланғич таркиби:
Келлеҳер, Аарон Хикки, Натан Коллинс, Кристоффер Айер, Майкл Кайоде, Матиас Йенсен, Егор Ярмолюк, Миккел Дамсгор, Кин Льюис-Поттер, Игор Тиаго, Кевин Шаде.
Мавсум якунига яқин бундай ўйинларда ҳар бир дақиқа муҳим. “Сити” учун бу чемпионлик йўлида навбатдаги синов, “Брентфорд” учун эса катта рақибга қарши ўзини кўрсатиш имконияти. Энди барча гап майдонда — таркиблар тайёр, интрига ҳам жойида.
“Zamin”ни Telegram'да ўқинг!
