Украиналик дарвозабон Андрей Лунин "Эл-Класико" учрашувининг сўнгги дақиқаларида қизил карточка олди. У футболчилар ўртасида юзага келган муштлашувда иштирок этгани учун жазоланди.
Ҳакам Сесар Сото Градо протоколига кўра, Лунин захира ўриндиғини тарк этиб, рақиб жамоаси ўриндиғи томон агрессив ҳаракат билан яқинлашгани, уни жамоадошлари тўхтатишга мажбур бўлганини қайд этди. "Реал Мадрид" Луниннинг четлатилишига қарши шикоят киритди, бироқ Испания Қироллик футбол федерациясининг интизомий қўмитаси ҳакам қарорини қўллаб-қувватлади.
Натижада, украиналик дарвозабон бир ўйинга дисквалификация қилинди, дея хабар беради Goal нашри. Таъкидлаш лозимки, Андрей Лунин 2025/2026 йилги мавсумда ҳали майдонга тушмаган.
1 ноябр куни "Валенсия"га қарши ўйинда у "Реал"нинг ҳатто захира рўйхатида ҳам бўлмайди.
