Барселона жамоаси кейинги мавсум Роберт Левандовскига ўринбосар изламоқда. Сўнгги пайтларда "кўк-анорранглилар" рўйхатида асосий номзодлар сифатида Мадриднинг Атлетико клубидан Хулиан Альварес ва Туриннинг Ювентус клубидан Душан Влахович кўрсатилган эди.
E-Notícies нашрининг хабар беришича, Каталония клуби аргентиналик футболчидан воз кечиб, сербиялик ҳужумчини сотиб олишга эътибор қаратишга қарор қилган. Бунга асосий сабаб – нарх: Альвареснинг трансфери камида 100 миллион еврога тушиши кутилмоқда, Влахович эса, катта эҳтимол билан, эркин агент сифатида қўлга киритилиши мумкин.
Роберт Левандовскининг шартномаси келаси ёзда якунга етади. Ҳозирги мавсумда 37 ёшли поляк футболчи жароҳатлар сабабли тез-тез сафдан чиқиб қолмоқда.
Ctrl
Enter
Хато топдингизми?
Иборани ажратиб Ctrl+Enter тугмасини босинг Мавзуга оид янгиликлар
