“Манчестер Сити” футбол клуби таркибни ёш авлод билан янгилаш жараёнини фаол давом эттирмоқда. Бу стратегиянинг асосий қисми сифатида жорий йилнинг январ ойида “Ланс” клубидан 21 ёшли ўзбекистонлик ҳимоячи Абдуқодир Ҳусанов нинг келиши муҳим аҳамиятга эга бўлди.
Жамоа таркибидаги катта ўзгаришларга қарамай, бош мураббий Хосеп Гвардиола бошчилигидаги мураббийлар штаби узоқ вақт давомида ҳимоянинг ўнг қанотида муаммога дуч келаётган эди. Рико Льюис ва Матеуш Нуньес билан тажрибалар кутилган натижаларни бермади, чунки уларнинг ҳимоядаги кўникмалари Кайл Уокер даражасидаги барқарорликни таъминлай олмади.
Мавсум бошидаги икки мағлубият Гвардиолани ностандарт ечимлар излашга мажбур қилди. Айнан шундай қийин паллада Абдуқодир Ҳусанов номзоди илгари сурилди.
Асосан марказий ҳимоячи сифатида танилган ёш ўзбекистонлик футболчи бир нечта муҳим ўйинларда ўнг қанот ҳимоячиси сифатида муваффақиятли ўйнаб, ижобий таассурот қолдирди. Бироқ, унинг жароҳат олиши бу жараённи вақтинча тўхтатди.
Мутасаддилар таъкидлашича, Ҳусанов нинг барқарорлиги ва ҳимоявий тактикани тушуниш даражаси Льюис ва Нуньесдан сезиларли даражада юқори. “Манчестер Сити” раҳбарияти ва мураббийлар штаби трансфер бозорида янги ўнг қанот ҳимоячисини сотиб олиш масаласини кейинга қолдиришга қарор қилди.
Ушбу позициянинг келажаги Ҳусанов нинг жароҳатдан қайтиш тезлигига ва аввалги формасини қай даражада тиклашига бевосита боғлиқ. Агар ўзбекистонлик иқтидорли футболчи ўзининг аввалги самарадорлиги билан майдонга қайтса, клубга қиммат трансферлар зарур бўлмайди.
Бу стратегия мураккаб трансфер шароитлари билан ҳам кучайтирилмоқда. Гвардиоланинг трансфер режасида “Ньюкасл” ҳимоячиси Тино Ливраменто ҳам бор эди.
Аммо бу келишувнинг амалга ошиши эҳтимоли паст, чунки “Ньюкасл” Ливраменто ва бошқа етакчи ўйинчилари билан шартномаларни узайтиришга эътибор қарамоқда. Агар “қарғалар” ўз етакчиларини сақлаб қолсалар, “Сити”га уларнинг трансферини амалга ошириш қийинлашади.
Шу сабабли, “Манчестер Сити” ўзининг ёш истеъдодининг тезроқ тикланишига эътибор қарамоқда. Инглиз матбуоти Гвардиоланинг Ҳусанов га катта ишонч билдирганини таъкидламоқда.
У ёш ҳимоячини нафақат техник маҳорати, балки тактик фикрлаш қобилияти бўйича ҳам жамоанинг услубига мукаммал мос келадиган футболчи деб билади. Тахминларга кўра, “шаҳарликлар”нинг келажакдаги ҳимоя чизиғи айнан Абдуқодир Ҳусанов атрофида қурилиши мумкин.
Бу эса уни клубнинг узоқ муддатли режалардаги асосий фигурага айлантиради.
