Мадриднинг "Реал" жамоаси ярим ҳимоячиси Федерико Вальверде "Валенсия" устидан қозонилган 4:0 ҳисобига йирик ғалабадан сўнг ўз фикрлари билан ўртоқлашди. Учрашувда Килиан Мбаппе (дубль), Жуд Беллингем ва Алваро Каррерас гол уришди.
Вальверде ўйиндан кейин берган интервьюсида шундай деди: "Биз яхши бошладик, лекин 3:0 ҳисобида бироз сустлашдик, бу табиий ҳолат. Биз хатоларни камайтиришга ва ўзимизни янада такомиллаштиришга интилишимиз керак.
Тўпни йўқотганимизда, уни дарҳол қайтаришга ҳаракат қиламиз, бу эса бизга кўпроқ имкониятлар яратишга ёрдам беради. Бу йўналишда ривожланишда давом этишимиз зарур. Жамоа янада кучли бўлиш учун катта саъй-ҳаракат қилмоқда".
Мазкур натижадан сўнг "Реал" жамоаси "Барселона"ни саккиз очкога ортда қолдирди. Шу билан бирга, каталонияликларда бир ўйин заҳирада қолган.
“Zamin”ни Telegram'да ўқинг!
