Таниқли россиялик мураббий Юрий Сёмин Чемпионлар лигаси ғолиблиги учун асосий даъвогарларни номлади. "Фаворитлар қаторида ПСЖ, "Ливерпуль", "Реал" ва "Арсенал" бор.
Менинг фикримча, ҳозирда жамоалар турли жисмоний ҳолатда. Бироқ май ойига келиб, улар ўзларининг энг яхши формада бўлишади.
Шундай қилиб, фаворитлар жуда кўп", - дейди Сёмин "Чемпионат" нашрига берган интервьюсида. Айни дамда ПСЖ Чемпионлар лигаси мусобақасида 9 очко билан учинчи ўринни эгаллаб турибди.
"Ливерпуль" ҳам 9 очко билан олтинчи ўринда, "Реал" эса бешинчи поғонада жойлашган. "Арсенал" 12 очко билан иккинчи ўринни банд қилган бўлса, турнир жадвалида 12 очкоси билан "Бавария" етакчилик қилмоқда.
Ctrl
Enter
Хато топдингизми?
Иборани ажратиб Ctrl+Enter тугмасини босинг Мавзуга оид янгиликлар
