Челси жамоаси Чемпионлар лигаси умумий босқичининг тўртинчи турида Озарбайжонга сафар қилиб, Қорабоғ жамоасига қарши майдонга тушди. Ҳар икки жамоа ўз ҳисобида олти очкодан эга бўлиб, бу ўйин улкан аҳамият касб этарди.
Ўйин 16-дақиқада Челси фойдасига бошланди. Эстевао Андре Сантосдан узатма олиб, тўпни яқин бурчакка аниқ йўллади (0:1).
Аммо Қорабоғ ўз майдонида кучли рақибдан чўчимай ўйнади ва тез орада жавоб берди. 29-дақиқада Андраденинг зарбаси ҳисобни тенглаштирди (1:1).
Шундан кейин Қорабоғ пеналтидан фойдаланиб, Янкович томонидан ҳисобни 2:1 кўринишига олиб келди. Иккинчи бўлимда Челси ўйинни назорат қилишга ҳаракат қилди.
Гарначо захирадан майдонга тушиб, ўйиннинг 53-дақиқасида тенгликни таъминлади (2:2). Қолган дақиқаларда ҳар икки жамоа ғалаба қозониш учун имконият яратди, аммо ҳисоб ўзгармади.
Бу дуранг натижа иккала жамоага ҳам биттадан очко олиб келди. Эндиликда ҳар иккиси етти очко билан турнир жадвалида тенглашиб турибди.
Кейинги турда Қорабоғ Наполи билан, Челси эса Барселона билан куч синашади.
Меҳмон гуруҳидаги фойдаланувчилар ушбу мақолага изоҳ қолдира олмайди.
