"Қорабоғ" клуби президенти Тоҳир Ғозал Лондоннинг "Челси" клубига қарши бўлиб ўтган Чемпионлар Лигаси ўйинида Россиядан ташриф буюрган мухлисларнинг иштирокидан мамнун эканлигини билдирди. Учрашув 2:2 ҳисобида якунланди.
"Қорабоғ" ғалабага яқин эди, бироқ устунликни сақлаб қола олмади.
- "Қорабоғ"нинг Россиядан бундай қўллаб-қувватловга эга эканлигидан хурсандман. Бизнинг ажойиб алоқаларимиз ва умумий тарихимиз бор, шунинг учун бундай қўллаб-қувватловни фақат олқишлаймиз", - деди Тоҳир Ғозал "Чемпионат" нашрига берган интервьюсида.
Тўрт турдан сўнг Озарбайжон клуби 7 очко билан турнир жадвалида 12-ўринни эгаллаб турибди.
Кейинги ўйинда Боку жамоаси 25 ноябр куни Италиянинг "Наполи" клубига қарши майдонга тушади. Мазкур учрашув Тошкент вақти билан соат 01:00да бошланади.
