“Ливерпул” бош мураббийи Арне Слот собиқ “Арсенал” бош мураббийи Арсен Венгернинг Флориан Вирц ҳақида билдирган фикрларига муносабат билдирди. Венгернинг фикрига кўра, жамоа янги юлдуз футболчининг оптимал позициясини танлашда муаммога дуч келган.
“Флорианга жамоадошларига ўрганиб олиш учун вақт керак, худди шундай жамоага ҳам Флориан билан ўйнашга кўникиш учун вақт талаб этилади. Ҳозирда у чап қанотда ўйнамоқда, бироқ эртами-кечми – агар бу мавсум бўлмаса, келаси мавсумда – у ярим ҳимоя марказида ўзини кўрсатади.
Футболнинг гўзаллиги шундаки, ҳар бир киши ўз фикрини билдириши мумкин. Бироқ ҳеч ким жарроҳга юрак операциясини қандай ўтказишини ўргатмайди, лекин футбол ҳақида ҳар ким ўз фикрини айтади.
Бизда беш-олти яхши ярим ҳимоячи бор, улар биргаликда ўйнай олишади, аммо бундан максимум фойда олиш учун вақт керак бўлади”, – деди Слот матбуот анжуманида. Якшанба куни “Ливерпул” “Манчестер Сити” билан тўқнаш келади.
