"Бавария" спорт директори Кристоф Фройнд марказий ҳимоячи Дайо Упамеканонинг Мадриднинг "Реал" жамоасига ўтиши ҳақидаги миш-мишларга изоҳ берди. Мюнхен клуби ҳозирча француз футболчисини келаси йил ёзда якунланадиган шартномасини узайтиришга ишонтира олгани йўқ.
Матбуотда тарқалган маълумотларга кўра, футболчи "Реал" жамоасига эркин агент сифатида ўтишга оғзаки розилик билдирган. "Биз Упамекано билан янги шартнома бўйича музокаралар олиб бормоқдамиз.
У "Бавария"да ўзини жуда қулай ҳис қилмоқда. Балки у бошқа клублар учун қизиқ бўлиши мумкин, бироқ бизнинг мақсадимиз – уни сақлаб қолиш учун барча чораларни кўришдир", – дея Кристоф Фройнднинг сўзларини келтиради журналист Фабрицио Романо.
Дайо Упамекано 2021 йилдан бери "Бавария" сафида тўп суради. Трансфермаркт маълумотларига кўра, унинг бозор қиймати 60 миллион еврони ташкил этади.
Меҳмон гуруҳидаги фойдаланувчилар ушбу мақолага изоҳ қолдира олмайди.
