Маркус Рэшфорд "Барселона" ва "Сельта" ўртасидаги учрашувнинг қаҳрамонларидан бири бўлди. Ўйин каталонияликларнинг 4:2 ҳисобидаги ғалабаси билан якунланди.
Англиялик футболчи икки марта Роберт Левандовски учун голли пас берди. "Ўйлайманки, иккинчи бўлимда биз ўзимизни анча яхши кўрсатдик, жамоавий ва интизомли ўйнадик.
Мураббийимиз ҳар доим асосий мақсадимизни – ўз ўйин услубимизни сақлашни таъкидлайди: агрессив прессинг қилиш ва ҳимояда юқори чизиқни ушлаб туриш. Натижа қандай бўлишидан қатъи назар, режага амал қилишимиз керак.
Бугунги биринчи ассистим бу мавсумдаги энг яхшиларидан бири, деб ўйлайман. Мен ўз ўйинимдан ҳам, жамоамизнинг чиқишидан ҳам мамнунман. Ўзимни ажойиб ҳис қиляпман", – деди Рэшфорд ўйиндан кейинги интервьюсида.
28 ёшли футболчи, "Манчестер Юнайтед"дан ижарага олинган ҳолда, жорий Ла Лига мавсумида олтита голли пас билан тўп узатиш бўйича етакчиликка чиқди.
“Zamin”ни Telegram'да ўқинг!
